"Орай шап" жинағының тұсаукесері

0123456789

Главная АРХИВ НОВОСТЕЙ"Орай шап" жинағының тұсаукесері

Ошибка

Plugin mavikThumbnails needs library GD2

"Орай шап" жинағының тұсаукесері

Подробности: Создано 24.06.2016 11:42

22 маусым күні Шығыс Қазақстан өнер музейінде Қазақстан Тәуелсіздігінің 25 жылдығы мен 1916 жылғы ұлт-азаттық көтерілістің 100 жылдығына орай жарық көрген – "Орай шап" көтерілісі" жинағының тұсаукесері өткізілді.

Ақ патшаның «қазақтан солдат алу» туралы июнь жарлығы бүкіл қазақ даласын дүр сілкіндіргені тарихтан мәлім. Қару ұстауға лайық емес деп саналған «бұратана» халықты қара жұмысқа-окоп қазуға алу халықтың намысын қайрап, ашу –ызасын туғызды.

Шілде айында басталған толқулар Қазақстанның барлық ауқымын қамтыған қарулы көтеріліске ұласты, оның аяғы қанды
қырғынға айналды. Торғай даласын Амангелді сарбаздары дүбірлетсе, Жетісуда 16 болысты құрап отырған албандар, Әулиеатада Аққөз Қосанов бастаған көтеріліс бас көтерді.

Қазақстанның шығысында да патша жарлығына қарсы толқулар болды. Соның бірі – Өскемен уезіне қарайтын Ұлан жеріндегі алты старшын Тайынты болысы

ның азаматтары патша армиясының тыл жұмыстарына баруға қарсылық білдіріп, атқа қонды... Кітап осы тарихи оқиғаның жай –жапсарын баяндай отырып, Өтеміс елінен шыққан батыр, би, балуандар, Ұлы Отан соғысы ардагерлері, Өтеміс шежіресі т.б жайлы сыр шертеді.

Бір елдің тарихы арқылы бүкіл қазақ даласының тарихын ашып көрсеткен, жанры жағынан энциклопедия деуге тұрарлық бұл кітаптың жас ұрпаққа берері мол. Тарихтың бүгінгі ұрпақ түгілі, аға буын өкілдері біле бермейтін ақтаңдақтарын ашып көрсеткен құнды еңбек.