Василий Козловтың үш қыры

5 қазан күні А. С. Пушкин атындағы кітапханада Козлов Василий Андреевичтің 100 жылдығына арналған «И память книга оживит...» жаңа кітабының тұсаукесері өтті. Аталған кітаптың редакторлары «Ресей Жазушылар одағы мүшелерінің қазақстандық бірлестігі» қоғамдық бірлестігінің жетекшісі, көптеген кітаптың авторы Каланчина Ирина Борисовна және Василий Андреевич Козловтың қызы Салабаева Людмила Васильевна.

Кітап соғыс және еңбек ардагері, Ұлан ауданының Құрметті азаматы, Ленин ордені, Октябрь революциясы, Еңбек Қызыл Ту ордені, «Құрмет Белгісі», ІІ дәрежелі Отан соғысы ордендерінің иегері Козлов Василий Андреевичтің (1924-2008 жж.) жақындары, достары, әріптестері, ауылдастары мен өзінің естеліктерінен тұрады.
Кітапта кейіпкер өмірінің үш қыры байқалады, ол: еңбек, әскери және ата-аналық. Ол қарапайым жұмысшыдан бастап, совхоз директорына дейін жетіп, ауыр Ұлы Отан соғысы жылдары, соғыстан кейінгі кезеңде, тың және тыңайған жерлерді игеру уақытында совхозды дамыту жолында туған еліне өзіндік із қалдырған азамат (совхозды миллионер ете отырып, осы лауазымда зейнеткерлікке шыққан).
Еңбекте келтірілген өндірістік, тұрмыстық, отбасы жағдайлары кітап мазмұнына ерекше эмоционалды рең береді. Әр жылдардың фотосуреттері, мұрағат құжаттары, газет мақалалары туындыға ерекше шынайылық береді.

Байланысшы: Калиева Б. Т.,
жұмыс тел.: 261-333, моб.: +77011043060

• < Артқа
• Алға >