«Домбыра – асыл мұра» әдебиеттер көрмесі

«Екі шектің бірін қатты,
бірін сәл-пәл жай бұра,
нағыз қазақ, қазақ емес,
нағыз қазақ – домбыра!»
                                  Қ. Мырзалиев
Шілденің бірінші жексенбісінде Қазақстанда Ұлттық домбыра күні атап өтіледі. Осыған орай А.С. Пушкин атындағы Шығыс Қазақстан облыстық кітапханасында «Домбыра – асыл мұра» атты кітап көрмесі ұйымдастырылды.

Елорда – Тәуелсіздіктің бойтұмары

5 шілде 2021 жылы, сағ. 15.00-де Елордамыздың туған күніне орай  кітапхананың ұйымдастыруымен Елордамыздың тұңғыш баспасөз хатшысы, Ұлттық Ат спорты Федерациясының Президенті, «Ұлы Дала Қырандары» республикалық қоғамдық әлеуметтік-мәдени қозғалысының төрағасы, ҚР Еңбек сіңірген қайраткері, жазушы, зерттеуші Сәдібек Түгелмен ZOOM - платформасында онлайн кездесу өтті. Маңызды кездесуге Сәдібек Түгелді таңдауымыздың себебі – қоғам қайраткерінің барлық өмірі Елордамен байланысты.

Кітапхана АРБАТТА

А.С. Пушкин атындағы Шығыс Қазақстан облыстық кітапханасы қаламыздағы «Жастар орталығымен» бірге әріптестік байланысты нығайтып, жастарды оқуға тарту мақсатында кезекті шарасын жалғастырды.

«Сырбаз жыр, сырлы өлең» ақын Мұратхан Шоқанмен кездесу

25 маусым күні А.С. Пушкин атындағы кітапханада Қазақстан Жазушылар одағының мүшесі Мұратхан Шоқанмен кездесу өтті.
2001 жылы туған еліне оралып, «Маған көктем сыйлашы», «Жүрекке жүгіну», «Тазалыққа ұмтылу» сияқты жыр кітаптары арқылы оқырманның сүйіспеншілігіне бөленген ақын Мұратхан Шоқан өзіндік орны, қолтаңбасы, оқырманы бар қазіргі қазақ поэзиясының жарқын өкілі.
Мұратхан Шоқан 1974 жылдың 25 ақпанында ҚХР ШҰАР Тарбағатай аймағы Толы ауданы, Ақбелдеу ауылында дүниеге келген.
1994-1996 жылдары Шыңжаң университетін қазақ әдебиеті мамандығы бойынша білім алған. 1997-1998 жылдары туған ауылында мұғалім, (1998-2001) жылдары Толы аудандық мәдениет мекемесінде қызмет еткен. 2001 жылы Қазақстанға оралды.
Мұратхан Шоқан - Қазақстан Жазушылар одағының мүшесі. «Жиырманың жалыны», «Маған көктем сыйлашы», «Жүрекке жүгіну», «Тазалыққа ұмтылу», қатарлы жыр кітаптарының, «Жаратылыснама» атты философиялық кітаптың авторы. Жырлары ҚХР Бейжің ұлттық баспасынан шыққан «XX ғасыр әдебиет қамбасы» атты томға енгізілді. «Әлем бесік жырлары» атты ән альбомды қазақшаға аударды. «Тәуелсіздік жемісі», «Қытайдағы қазақ кәсіпкерлері» атты кітаптардың идеясының авторы әрі құрастырушысы.
Елге келгелі 2003 жылы «Қазақ әдебиеті», Жас қазақ» газетінде, «Жазушы» баспасында қызмет етті. Қазіргі таңда «Тұлға-Достық» қорының төрағасы.

Байланыс тел.: 26-13-33 (119)