Тікелей эфир: «Аруана» - айбарлы Алтын Орда!

Қазақтың белгілі ақыны, Халықаралық «Алаш» әдеби сыйлығының иегері Маралтай Райымбекұлы 4 қараша күні FACEBOOK желісінің @Маралтай Райымбекұлы. парақшасынан «Аруана» - айбарлы Алтын Орда!» тақырыбымен тікелей эфирге шығады. 

«Жалынды жастар – жарқын болашақ»

3 қараша күні сағат 15.00-де А. С. Пушкин атындағы Шығыс Қазақстан облыстық кітапханасының ұйымдастыруымен індетті жеңген жерлесіміз, алғашқы плазма доноры, Бобровтың тыныс алу аппаратын жасап шығарған Семей қаласындағы «Электротехникалық» колледжінің директоры Азат Сәрпековпен «Жалынды жастар – жарқын болашақ» тақырыбында Facebook желісінде @Азат Сарпеков парашасында онлайн жүздесу өтті.

Құмаш Нұрғалиевті еске алу

29 қазан күні, сағат 15.00-де кітапхананың ұйымдастыруымен Марқа өңірінің тумасы, КСРО Халық мұғалімі, Құмаш Нұрғалиұлы Нұрғалиевтің туғанына 95 жыл (1925-1988) толуына орай Jitsi Meet платформасында онлайн еске алу кеші өтті.

«Елінің ер тұлғасы»: онлайн еске алу кеші

29 қазан 15.00-де Jitsi Meet интернет-платформасында және Facebook желісінде А.С.Пушкин атындағы кітапхананың парақшасында @pushkinlibrary Марқа өңірінің тумасы, КСРО Халық мұғалімі, Құмаш Нұрғалиұлы Нұрғалиевтің туғанына 95 жыл (1925-1988) толуына орай онлайн еске алу кеші өтеді.
Қатысушылар: «Педагогтар династиясы» (Нұрғалиевтар отбасы): педагогика ғылымдарының докторы, профессор, академик КазНАЕН, МАИН, АПНК, қашықтан оқытуға арналған электронды оқулықтарды жасау технологиясының авторы - Гүл Құмашқызы, Қ.Нұрғалиев атындағы колледждің директоры, педагогикалық ғылымдардың кандидаты Марат Құмашұлы, Абай атындағы Шығыс Қазақстан гуманитарлық колледждің директоры Құрманов Фархат Сақанұлымен және де Құмаш Нұрғалиевтың көзін көрген ұстаздар, шәкірттері, жерлестері.
Құмаш Нұрғалиев – КСРО халық мұғалімі, педагогтар әулетінің негізін салушы, Елбасының «Книги профессиональных династий Республики Казахстан» атты кітабының бірінші бетіне енгізілген. Өмірге деген құштарлықтың керемет үлгісін көрсеткен аңыз-адам аға ұрпақ өкілдерінің есінде.

Онлайн кездесуде Ұлы Абайдың «Қайғы келсе, қарсы тұр, құлай көрме» қағидатын өз ғұмырының бағдарламасы санаған, тағдыр тәлкегіне қасарыса қарсы тұрып, өмірден өз орнын тапқан, асыл ұстаз Құмаш Нұрғалиұлы туралы салиқалы ой қозғалады. Жиналғандар абзал ағаның артына қалдырған өшпес ізі, өмірге деген құштарлығы, ұмытылмас өнегесі туралы естеліктерімен бөліседі.

Елімізге танымал ұстаздар династиясы атанған Халық мұғалімі Қ. Нұрғалиевтің әке ісін жалғастырушы балаларымен танысып, лебіздерін тыңдай аласыздар. Өмірге деген шексіз құштарлықтың, қайсарлық пен батылдықтың символы Құмаш Нұрғалиұлының өмірінің жас ұрпаққа берері көп.

                                                                                                               Байланысшы: Кемешева М. , тел.87052819343