ЭКСПО-2017 - еліміздің өмірі мен тарихының алтын беттерінен: Астананың 20 жылдығына арналады

2018 жылдың 9 ақпанында сағат 16.00-де кітапхананың мәжіліс залында «Как прошло EXPO 2017?» фильмінің көрсетілімі өтеді. Фильмнің авторы Мишелев Алишер үш ай бойы Астана қаласындағы «EXPO2017:Болашақ энергиясы» мамандандырылған көрмесінде жұмыс істеді.
Фильмде Алишер жұмыс жасаған Монако Корольдігі павильонынының өкілдері, қызмет еткен жастар командасы өздерінің көрме жұмысынан алған әсерлерімен бөліседі.

"Рухани жаңғыру": қазақ тілінің жаңа әліпбиін үйренуге арналған кезекті онлайн-сабақ

7 ақпан күні сағат 15.00-де кітапхананың жаңа әліпбиді оқып-үйрену орталығында «Қазақ тілінің дыбыстық жүйесі» атты екінші онлайн бейне-сабағы өтті. Бейнежазба сабақты Алматы қаласындағы Ахмет Байтұрсынов атындағы Тіл білімі институтының ғылыми жұмыс жөніндегі директорының орынбасары, филология ғылымдарының кандидаты Фазылжанова Анар Мұратқызы жүргізді.

"100 жаңа есім": Ержан, Қуаныш Жұмабековтар кітапханада

Еліміздің еңсе көтеріп, егемендік алуына елеулі үлес қосқан тұлғалар аз емес. Оларды ұрпаққа ұлықтап, насихаттауда түрлі шаралар атқарылып жатқаны айқын. Солардың бірі күні кеше ғана барлығымыз әлеуметтік желілер де дауыс беріп үміткерлерді анықтаған «Қазақстандағы 100 жаңа есім» жобасы.  Өзіміздің облысымыздан 11 үміткер жеңімпаз атанған екен.

 Әр түрлі салада озық шығып, еңбегімен елге танылған азаматтар көпшіліктің дауысына ие болды. Солардың бірі өздерінің еңбекқорлықтарымен, алғырлықтарымен, өнерлерімен осы «100 жаңа есім» жобасына енген біздің Үржарлық жерлестеріміз, ағайынды Ержан мен Қуаныш Жұмабековтар 19 қаңтар күні кітапханада оқырмандармен кездесті.

Кітап әлемді жақындастырады

«ЖАҚСЫ КІТАП ОҚИЫҚ» - деген атпен 22 желтоқсанда кітапханада Ленинград облыстық балалар кітапханасы сыйлаған кітаптар топтамасының презентациясы өтті. Бұл кездесу бірнеше жыл қатарынан Шығыс Қазақстан облысының шекаралық аудандарының балалары мен жасөспірімдеріне арналған «РЕСЕЙ-ҚАЗАҚСТАН. ШЕКСІЗ ОҚУЛАР - 2017» бірлескен ресейлік-қазақстандық жоба аясында өтіп отыр. Жоба жетекшісі - Ленинград облыстық балалар кітапханасының жетекші маманы Степанова Людмила Валентинова.