Тарих беттерінен: Темірбек Жүргенов

 Тәуелсіздігіміздің 25 жылдық мерейтойына орай, біздің кітапхана мамандары еліміздің дамуына үлес қосқан танымал тұлғаларымыз туралы 25 бейне шолу жасауды қолға алдық.  Алғашқы бейнешолуды Қазақстандағы мәдениет, әдебиет, өнер саласының талантты ұйымдастырушыларының бірі, республиканың көрнекті мемлекет және қоғам қайраткері Жүргенов Темірбек Қараұлына арнадық. 

Біздің кітапхана қорына зейнеткер зерттеуші Әбуғали Жалдыбаевтың, «Темірбек Жүргенов – Қазақстандағы тұңғыш озық мәдениет революциясының бас жасампазы, асқан дарынды, кемеңгер мемлекет қайраткері» деген кітабы келіп түсті.

Темірбек Жүргенов деген кім?

  Темірбек Жүргеновтің тікелей ат салысуымен «Қазақстанда мектеп жүйесін реттеу және қазақ орта мектептерін көбейту туралы» қаулы қабылданып, қазақ орта мектептерінің саны артуына негіз қаланды. Ұлттық мәдениет пен өнер саласы мамандарын даярлауға көп көңіл бөліп, қазақ жастарының КСРО-ның орталық қалаларындағы оқу орындарында білім алуына көмек көрсетіп отырды. М.Әуезов, Ж.Шанин, Ә.Қастеев сияқты т.б. қайраткерлердің шығармашылық жұмыспен айналысуына жағдай жасады. Сондай-ақ, Қазақстанда алғашқы музыка театрын (қазіргі Қазақ опера және балет театры) ұйымдастыруға үлкен үлес қосты. 1937 жылы 3 тамызда «халық жауы» деген жалған айыппен ұсталып, РКФСР Қылмыстық кодексінің 58-бабының 10, 11-тармақтары бойынша ату жазасына кесілген болатын.

Бейнешолуды мына сілтеме бойынша көре аласыздар:https://www.youtube.com/watch?v=wWUnxLJIjmk

Контактное лицо: Валентина Райхель,тел.261 333, вн.119.

• < Артқа
• Алға >