Мүгедектігі бар әйелдердің кәсіпкерлік дағдыларын дамыту: семинар

20-21 желтоқсанда кітапханада мүмкіндігі шектеулі жандарға арналған «Мүгедектігі бар әйелдердің кәсіпкерлік дағдыларын дамыту» атты семинар өтті. Семинарды "Шырақ" әйелдер қауымдастығы АҚ-ның маманы Баклажанская Татьяна Ивановна жүргізді. Кездесу «Алтынай» мүгедек әйелдер қоғамының Акционерлік Қоғамымен бірлескен түрде ұйымдастырылып, «Даму » кәсіпкерлікті дамыту қорының қолдауымен өтті.

«Шырақ» әйелдер қауымдастығы АҚ Орталық Азия мен Қазақстандағы Халықаралық мүгедек әйелдер ұйымдары желісі сарапшыларының үйлестірушісі болып табылады.
Екі күн бойында менеджмент пен лидерлік, үкіметтік емес секторлар жұмысы, мүмкіндігі шектеулі жандармен жұмыс істейтін ұйымдардың ерекшеліктері мәселелері қарастырылды.
Семинардың екінші күні қонақтар кітапханамен танысты. Қатысушылар кітапхананың өздеріне қолдау көрсететін, осында әріптес тауып, өз тәжірибелерімен бөлісетін орын екенін түсінді. Мүгедектік тағдырдың басқа салған үлкен сынағы. Бұл қиындықты жеңіп, алға ұмтылатын уақыт келді! Ең маңыздысы қолыңнан келетініне сен! Семинар соңынан барлық қатысушыларға арнайы сертификатар мен алғыс хаттар тапсырылды.

• < Артқа
• Алға >