Қытай Халық Республикасы Бейжін қаласындағы Орталық ұлттар университетінің оқытушысы, тарих ғылымдарының докторы, қазақ философиясы факультетінің доценті Дүйсенәлі Әбділәшімұлы Орталық Азия және Қазақ хандығының тарихы, шағатай, түркі тілі және оның жазба нұсқалары, қазақ деректану т.б. мәселелермен айналысып, нақты дәйектер негізінде Қазақ хандығының тарихын, тіл тарихын терең зерттеп жүрген ғалым.

Қандасымыздың екі бірдей кітабын сыйға тартқан Евразия Ұлттық Университетінің филология факультеті, қазақ тіл білімі кафедрасының оқытушысы, педагогика ғылымдарының докторы, жерлесіміз Шынар Қапантайқызы Құрманбаеваға алғысымыз шексіз. Автордың бірінші кітабы «Ескі қазақ жазба тілі» (Алматы, «Елтаным», 2016), деп аталса екінші кітабы «Жұңғо бірінші тарихи мұрағатында сақталған қазақша құжаттар » (Алматы, «Елтаным», 2016.) деп аталады.