Алғыс айту - игі іс

1 наурыз күні сағат 10.00 де біздің кітапханада сағат 10.00 де алғыс айту күніне орай «Өмірдің мәні – татулық пен алғыста!» атты мерекелік іс-шара өтеді. 2015 жылдың 14 қаңтар күні Елбасы Қазақстан халқы Ассамблеясының құрылған күні - 1 наурызды Алғыс айту күні деп жариялау туралы Жарлыққа қол қойды. Яғни, осы жарлыққа сәйкес көктемнің алғашқы күнінде Қазақстан халқы  Алғыс айту күнін атап өтеді.

Алғыс айту күні - ең алдымен, елімізде тыныштық пен үндестік, өзара сенім мен барлық қазақстандықтарға деген құрметтің орнығуына негіз болған Президенттің бейбітшілік пен келісім саясатының салтанатты күні.
Алғыс айту күні - қысқа мерзім ішінде Тәуелсіз Қазақстанды құру жолында аянбай тер төккен еліміздің барлық азаматтарының бір-біріне құрмет білдіретін және Қазақстанның көпэтносты халқының ортақ тарихын құрметтеу күні. Бұл - ынтымақты және өзара көмек көрсетуді қолдаудың, репрессия мен жер аудару жылдарында қазақ халқы көрсеткен мейірімділік пен қамқорлықтың, рухани қайсарлықтың төл мерекесі болуға тиіс!
Мерекелік іс-шарада  мереке туралы ақпарат берілік, тақырыптық кітап көрмесі ұсынылады, достыққа, татулыққа арналған мақал-мәтелдерден, сөзжұмбақтан жарыстар ұйымдастырылып, әндер шырқалады. Мерекенің жалғасы ретінде кітапхананың әр бөлімінде: медиа-сабақтар, «Рахмет үшін!» акциясы, «Рахмет айтамын!» сурет байқауы, «Алғыс айту шебері» ойыны сынды бағдарламалар ұйымдастырылады.
Мерекелік іс-шара сіздер үшін өте қызықты болады деп ойлаймыз.
Біздің, кітапханамызға келушілерге, өз білімімен әрқашан бөлісуге дайын, кітапты сүйіп оқитын оқырмандарымызға алғысымыз шексіз! Сіздерді көруге әрқашан қуаныштымыз! Келіңіздер!

                             Байланысшы: Құдайбергенова Нұргүл. К, тел: 26-13-33

• < Артқа
• Алға >