«Тастүлек» ақындар мектебі

Бүгін 10 наурыз күні облыстық А.С. Пушкин атындағы кітапханада «Ақиық» ақындар орталығының бөлімшесі ретінде «Тастүлек» ақындар мектебі құрылып, алғашқы кездесуін өткізді. Тастүлек қыран бүркіттің баласы. Бүгінгі кездесуге №35 орта мектебінен өнер мен өлеңге әуестеніп жүрген 10 бала келіп қатысты.

Бұл мектепті «Ақиық» ақындар орталығының жетекшісі Гүлнұр Зұлқаршынқызы кітапханамен бірге ұйымдастырып отыр. Алғашқы кездесуде айтыс өнері туралы түсініктеме беріліп, жас жазба ақындардың өлеңдері тыңдалып, айтыскер ақын боламын деген балалар алғаш рет домбыра ұстап, жетекшісімен, кейін өзара айтыс жекпе-жек өткізді. Келесі кездесуде жас ақындар айтыстың тақырыбын келе жатқан ұлыстың ұлы күні Наурыз мерекесіне арнамақ. Ақын жандылардың әрбір кездесуі әр аптаның сәрсенбі күні сағат 11.00-13.00 және 13.00-15.00 дейін жалғасатын болады. Келемін, ақындық өнерімді одан ары шыңдаймын деген ұл-қыздарға есігіміз ашық.

Байланысшы:  Құдайбергенова Н. Қ.

тел: 26-13-33

• < Артқа
• Алға >