Достық ықыласқа толы кездесу

12 наурыз күні кітапханамызға «Ақ ниет» мектеп-интернатының оқушылары өздерінің тәрбиешілерімен және пансионат кітапханашысымен бірге қонақта болды. Кітапхана ішінде балаларға қызықты саяхат өткізілді. IT-otau, «Валл-и»: робототехника үйірмесі және 3D моделдеу мен бағдарламалаулар үйірмелеріне балалар қызығушылық танытты.

Қонақтарды мәжіліс залындағы Access Microsсholarship Program мектебінің оқушылары дайындаған күтпеген сыйлық тағы бір қуанып тастады. Осы мектептің байланысшысы Шингалиева Сауле мен мектеп оқушылары қонақтарға арнайы концерттік бағдарламалар дайындап, викториналық сұрақтар қойып, барлығы бірге флэшмоб биледі.
Шеберлер мектебінің жетекшісі Бұлбұл Мәрденқызы шеберлік-сабақтарын өткізгеннен кейін, балалар өздері де ілмек және бізбен тоқыма тоқып көрді. Осы жерде «Ақ ниет» мектеп-интернатының тәрбиеленушісі Айбын Айдын ілмекпен тоқыма тоқып, барлығын таң қалдырды.
Балалар үшін бүгінгі күн өте көңілді де пайдалы өткен тәрізді. Олар кітапханашылармен қимай қоштасып, тағы да келуге ниет білдірді. Біздің арамыздағы достық қарым-қатынасымыз әрі қарай да жоғары деңгейде өз жалғасын табады деп ойлаймыз.

Байланысшы: Нұрсадықова Б. К.

Тел: 26-13-33

• < Артқа
• Алға >