Кітапханаға сыйға тартты

Шығыс өңіріне іссапармен келген ҚР Білім және Ғылым министрлігі Мемлекет тарихы институтының жетекші ғылыми қызметкері, педагогика ғылымдарының кандидаты Дүйсен Сейітқали Жақияұлы біздің кітапханаға келді.
Дүйсен Жақияұлы өлкетану бағытындағы «Талапкер ауылы: кеше және бүгін»(Астана, 2011), ғылыми –танымдық «Жұмабек Тәшенов» (Алматы, 2012), ғылыми –әдістемелік «Қазақстан тарихы», 12 жылдық мектептің экспериментті 11 сыныбына арналған байқау оқулығының (Алматы, 2013) және бірнеше оқу-әдістемелік құралдар мен бағдарламалардың авторы.

Үш мәрте Қазақстан Республикасы білім және Ғылым министрлігінің Құрмет грамотасымен және Ы. Алтынсарин атындағы төсбелгілермен марапатталған. ҚР «Білім беру ісінің үздігі».
Дүйсен Жақияұлы өзі қызмет істейтін институттың атқарып жатқан жұмыстарына тоқтала келе, өзінің қатысуымен жарық көрген «Қазақтың қайсар қайраткері –Жұмабек Тәшенов» (Алматы, 2015) , «Ұлы дала тұлғалары» сериясымен жарық көрген «Кәрім Мыңбаев» ( Астана, 2016) атты ғылыми –көпшілік басылымдарын кітапханаға сыйға тартты.
Кітапхана қызметіне көңілі толған қонағымыз, кітапханашыларға ризашылығын білдірді. Кітапхана қоры ұлтымыздың біртуар тұлғалары туралы әдебиетпен толықты.
Оқырман қауым, білім қоржынын толықтырғыңыз келсе, кітапханаға асығыңыз!

Байланысшы:Слямова З.М.,тел.261 333,ішкі.123

• < Артқа
• Алға >