Назар аударыңыз, жаңа кітап!

Кітапхана қорына  биылғы жылы жарық көрген «Қазақ энциклопедиясы» энциклопедиялық анықтамалығы келіп түсті. Үкімет қаулысымен еліміздің төл энциклопедиялық баспасы құрылып, үздіксіз жұмыс істеп келе жатқанына жарты ғасыр толды. Осы уақыт ішінде баспа ұжымы қазақ және орыс тілдерінде 12 томдық «Қазақ совет энциклопедиясы» мен 10 томдық «Қазақстан» ұлттық энциклопедиясын, сондай ақ көптеген салалық, пәндік, аймақтық, тұлғалық энциклопедиялар мен басқа да танымдық-анықтамалық кітаптарды, сөздіктерді жарыққа шығарды.

Кітапта жартығасыр ішіндегі энциклопедия авторлары мен баспа қызметкерлері және олар шығарған кітаптар туралы ақпараттар әліпби ретімен берілген. Баспаның жарты ғасырлық тарихи жолын анықтайтын құнды да мәнді деректер келтірілген.
«Қазақ энциклопедиясы» ұжымының қалыптасып, аяғынан тік тұрып, Қазақстандағы жетекші баспалардың біріне айналуына оның алғашқы басшылары М. Қаратаев, М. Қозыбаев, Р. Нұрғалиев, Ә. Нысанбаев, Б. Аяған, Б. Жақып үлкен еңбек етті. Қазіргі басшысы - философия докторы Ж. Тойбаева да алдыңғы ағалар дәстүрін лайықты жалғастырып келеді.
Баспаны жүз мыңдаған оқырмандар атынан мерейлі мерекемен құттықтаймыз. Еліміздің рухани жаңғыруына лайықты үлес қоса берулеріңізге тілектеспіз.
Құрметті оқырман, баспаның жарты ғасырлық тарихи жолын айшықтайтын құнды да мәнді энциклопедиялық анықтамалық сіздің еншіңізде. Келіңіз, таныс болыңыз.

Байланыс тел.: 26-13-33

• < Артқа
• Алға >