Оқырман елбасының жаңа кітабымен танысты

15 ақпанда кітапханада Елбасы Нұрсұлтан Назарбаевтың «Тәуелсіздік дәуірі» атты жаңа кітабының презентациясы өтті. Бұл кітап биылғы жылдың ең маңызды кітабы болмақ. Кітап тарихи публицистика жанрында жазылып, еліміздің жаңа тарихы мен болашағын баяндайды.

«Тәуелсіз Қазақстан тарихының басты тағылымы мынада: кез келген тығырықтан жол тауып, кедергіні – мүмкіндікке, тәуекелді табысқа айналдырып, ең асқақ арманға қол жеткізу әркімнің өз қолында. Жеңіс пен жетістік – жасқанбай алға ұмтылғанның еншісінде»,- Елбасының жаңа кітабының осындай жолдары бүкіл кітаптың мазмұнын ашып тұр.
Елбасы кітабында үш рухани жаңғыруымыздың мақсаты, негізгі ұстанымдары мен табыстары сараланған. Жаңа кітап еліміздің маңызды оқиғаларын баяндап, тәуелсіздіктің 26 жылында қол жеткізген жетістіктерді нақтылы көрсеткен.
Іс-шараға Қазақстан халықтары Ассамблеясының өкілдері, мемлекеттік қызметкерлер, педагогтар, кітапханашылар, студенттер қатысты.
Кітапты біздің кітапханадан алып оқи аласыздар. Сондай ақ, кітаптың электронды нұсқасын Елбасының жеке веб парақшасында және біздің кітапхана сайтында таба аласыздар. Немесе QR код арқылы екінші қабаттағы кітапхана баннерінен ұялы телефонға жүктеп алып оқуға да болады.

Байланыс тел.: 26-39-46 (119)

• < Артқа
• Алға >