Рухани жаңғыру: Өр Алтайдың кербез жыршысы Оралхан Бөкейдің туғанына 75 жыл

28 қыркүйек - қазақ көркемсөзінің көкжиегін кеңейткен, аспанын биіктеткен қаламгер Оралхан Бөкейдің туған күні. Туған өлкесі әсем Алтайдың, асқақ Алтайдың жыршысы, жазушы Оралхан Бөкей көзі тірі болса 75 жасқа толар еді.  Бүгін 7 қыркүйек күні кітапханада жазушының мерейтойына орай «Өр Алтайдың кербез жыршысы» атты әдеби –музыкалық кеш өтті.

Басқосуға студенттер, оқушылар, мұғалімдер және мәдениет қызметкерлері келді.
Қонақтар назарына фойеде «Өр Алтайдың кербез жыршысы» атты кітап көрмесі ұйымдастырылды. Көрмеде жазушының әр жылдары жарық көрген кітаптарымен қатар (алғаш қалам ұстаған тырнақалды дүниелері) өткен ғасырдың 60-70 жылдарында республикалық басылым беттерінде жарық көрген мақалалары топтастырылған.
Оралханның таланты, артына қалдырған өшпес мұрасы, отбасы туралы жазушыны бала кезінен білетін жерлесі, ақын Қазақстан жазушылар Одағының мүшесі Райысова Бақытжан естеліктерімен бөлісті. О. Бөкей атындағы лицей оқушылары Дастанұлы Мағжан мен Дәулетханова Адина жазушы шығармашылығынан шағын қойылым ұсынса, осы әңгіме желісімен жазылған «Жүрек назы» әнін мектептің ұстазы Даутбекова Назерке Ақжолқызы ұсынды. Оралхан Бөкей атындағы көркемсөз оқу шеберлерінің 2015 жылғы XVII республикалық байқауының жеңімпазы Ғылымхал Манай жазушының шығармасын оқып берді.
Оралхан Бөкей шығармалары бүгін туған жердің табиғатын қастерлеуді, киелі мекенді құрметтеуді, туған табиғатпен бірге болуды үндеп, Елбасының « Болашаққа бағдар: Рухани жаңғыру» мақаласындағы «Туған жер» бағдарламасымен астасып жатыр. Жылдар өтсе де, қоғам өзгерсе де Оралхан кітаптары оқырман назарында. Ендеше Оралхан шығармаларын оқиық, ағайын!

Байланыс ,тел.261 333

• < Артқа
• Алға >