«Қарлығаш көңіл қаламгер» жергілікті балалар жазушысы Күлмай Сембайқызымен кездесу

2019 ж. 15 ақпан күні сағат 15.00  кітапханада жерлесіміз, Ұлан ауданында білім саласында ұзақ жылдар еңбек етіп, ұрпақтарға білімнің нәрін берген зейнеткер ұстаз, ақын, балалар шығармашылығының жанашыры Сембаева Күлмаймен кездесу өтеді.
Сембаева Күлмай - балаларға арналған «Әріптер әлемінде», «Балғын ұрпақ бақытым», «Сиқырлы әріптер» сияқты өлең, жыр жинақтарымен қатар жалпы оқырман қауымға арналған «Ардагерлер ұмытылмайды», «Ауылдан шыққан ғалым», «Мектеп тарихы ауылмен тағдырлас», «Бестеректен шыққан ұшқыш қыз» атты шағын кітаптардың авторы.

Кездесу кешінде Сембаева Күлмай апайымыздың өлеңдері оқылып, шығармаларының желісінде театрланған көріністер көрсетіледі. Сондай-ақ, автордың сөзіне жазылған әндер орындалады. Шығармашылықтың қыр-сырлары туралы балалармен ой бөліседі. Қызықты интеллектуалды сұрақтар қойылып, ойындар ойнатылады.

Кездесуге ақындыққа, жазушылыққа қызығушылығы бар бастауыш сынып оқушылары мен ұстаздары шақырылады.
Балалар әдебиетінің жанашыры, ақын, жазушы жерлес апайымызбен кездесу – өскелең жас ұрпақтың өнер мен білімге деген құлшынысын арттырып, жасөспірімдердің болашақтарына бағыт-бағдар береді деп сенеміз.

Байланысшы: Құдайбергенова Н.
тел. 26-13-33

• < Артқа
• Алға >