Рухани жаңғыру: Ә. Қаңтарбаевтың «Тұлға» кітабының тұсаукесері

2020 жылы 12 ақпан күні Пушкин атындағы облыстық кітапханада шырайлы Шығыстың қаламы қарымды, ойы орамды қаламгері Әлібек Қалиұлы Қаңтарбаевтың «Тұлға» кітабының тұсаукесері өтті.

 Кездесуге ақын-жазушылар, зиялы қауым өкілдері, «Шабыт» жас ақындар клубының мүшелері, кітапхана оқырмандары қатысты.
Басқосуға ШҚ облысы мәдениет, архивтер және құжаттама басқармасының мәдениет және өнер бөлімінің бас маманы Берікбекова Толқын қатысып, кітаптың тұсаукесерімен құттықтап, ізгі лебізін білдірді.
Жаңадан жарық көрген «Тұлға» кітабының ғұмырбаяндық, отбасылық кітаптардан басты айырмашылығы – интеллектуалдық сұхбат формасында жазылуында. «Тұлғаның» кейіпкері – Төлеген Бәкейұлы Жирентаев, Семей өңірінің тумасы, ел ағасы, ғұмырында аттан түспеген, өңір басқарған, тұтастай екі қоғамдық формацияны басынан өткерген ер тұлғалы азамат. Кеңес дәуірі кезіндегі ел басқарған азаматтың өсу, өркендеу жолы автор мен кейіпкердің интеллектуалдық сұхбаты арқылы баяндалады. Кітап бетін парақтай отырып, Жирентаевтар әулетінің басынан өткен тіршілік соқпақтары арқылы бүкіл бір өңірдің – Мақаншы ауданының тарихымен, тыныс-тіршілігімен танысасыз.
Қарғалының қасиетті топырағына шыққан бас кейіпкер Төлеген Жирентаевтың өмірі отансүйгіштіктің, туған өлкеге деген шынайы қамқорлықтың нақты көрінісі. 
Сұхбат барысында заман ағымы, ел мен жер, тіл мен діл, ұрпақ тәрбиесі, бизнес пен кәсіпкерлік туралы да сөз қозғалады. Кітап атына сай тамаша безендіріліп, фотосуреттермен толықтырылған.

Байланысшы: Жансая Ашкенова ,тел.26133, ішкі.119

• < Артқа
• Алға >