Ақын Бауыржан Қарағызұлымен онлайн сұхбат

2020 ж. 4 мамыр күні сағат 19.30-де А.С. Пушкин атындағы Шығыс Қазақстан облыстық кітапханасының ұйымдастыруымен #BizBirgemiz акциясы аясында инстаграм желісіндегі https://instagram.com/bauyrzhan_karagyzuly?igshid=12tn35p5ktncc парақшасында белгілі ақын, Қазақстан Жазушылар одағының мүшесі, Халықаралық «Шабыт» шығармашыл жастар фестивалінің екі мәрте лауреаты және гран-при жүлдесінің иегері Бауыржан Қарағызұлымен онлайн сұхбат өтеді.

Бауыржан Қарағызұлы «Жұмбақтасқа жауған күз», «Өң.Мен.Түс.», «Жүрек кітабы», «Топырық демі» атты жыр кітаптарының авторы. Өлеңдері «Жаһандағы заманауи қазақстандық мәдениет» жобасы аясында Біріккен Ұлттар Ұйымының ресми (ағылшын, араб, испан, қытай, орыс, француз) 6 тіліне аударылған.
Автор Республикалық "Алаш үні" газетінде тілші, Елордалық "Астана" журналында бас редактордың орынбасары, Қазақстан Республикасының Ұлттық Академиялық кітапханасында "Кітап патшалығы" журналы бас редакторының орынбасары, Көкшетау қаласындағы "Ақпараттық кітапхана жүйесі" Мемлекеттік мекемесінде директор; "Қазконтент" АҚ "Әдебиет порталының" жетекшісі; "Мәдениет порталының" бас директоры; Қазақстан Жазушылар одағы Астана қаласы филиалының директоры; ҚР Мәдениет және спорт министрлігі жанынан құрылған Жас ақын-жазушылар кеңесінің хатшысы; ҚР Мәдениет және спорт министрінің кеңесшісі қатарлы бірқатар мемлекеттік және шығармашылық ұйымдарда қызмет атқарған.
Өлеңдері өзгеше нақышпен жаңашыл сарында жазылған Бауыржан Қарағызұлының шығармалары жайлы бүгінде бірқатар әдебиет сыншылары мақалалар жазып, зерттеу жұмыстарына арқау етуде.
Әдебиетсүйер қауымды ерекше стильмен жазылған ақын өлеңдерін тыңдап, салиқалы сұхбат құруға шақырамыз!

Байланысшы: Аскерхан Ақтай 8701183 00 84

• < Артқа
• Алға >