«Туған күніңмен, Пушкин!»

2020 жылы 6 маусымда А. С. Пушкин атындағы Шығыс Қазақстан облыстық кітапханасы алдындағы ақын ескерткішіне гүл қою салтанаты өтеді. А. С. Пушкин «У лукоморья дуб зелёный; Златая цепь на дубе том: И днём и ночью кот учёный. Всё ходит по цепи кругом…», – деген өлең жолдарымен біздің есімізде сонау балалық шақтан-ақ сақталған.

Оның жарқын поэзиясы бізді жігерлендіріп, есейген сайын біз Пушкинді жаңа қырынан тани түскендейміз.  А. С. Пушкиннің шығармашылығында адамға тән ең жақсы қасиеттер орын алған, сондықтан оның шығармалары ұлтына, дініне, жасына қарамастан кез-келген адам үшін ортақ. Оның шығармашылығынан біз көптеген өмірлік сұрақтарға жауап табамыз. Өйткені, біреулер үшін Пушкин – әрдайым оңай бола бермейтін өмір жолымен жүруге көмектесетін ұстаз іспеттес. Ал біреулер оны сырлас санайды.
Биылғы жылы 175 жылдық мерейтойы аталып өтетін Абай Құнанбаев Пушкинді зор қызығушылықпен оқып, өлеңдерін қазақ тіліне аударған. Абайға Пушкиннің шығармашылық рухы, оның лирикасы, ой мен сезімінің тереңдігі жақын болды. Ал, Абай музыкасын жазған «Татьянаның хаты» күні бүгінге дейін барлық жерде шырқалады.
Аталған мерекені бізбен бөлісіп, ақынға деген құрметін білдіруге қала жұртшылығының, Өскемен қаласындағы Ресей Федерациясының Бас консулдығының өкілдері шақырылды. Сондай-ақ, кітапхананың әдеби клубына қатысушылар да мерекеден қалыс қалмайды. Пушкиннің туған күні алыстаған сайын, оның киелі рухы бізге жақындап, бізді жаңа ашылулармен байыта түседі. Ендеше, Пушкинді қайталап оқып, оның «мәңгілік жаңа» бейнесімен қауышуға шақырамыз!

                                                                                            Байланысшы: Максимова Марина, тел. 23 13 33 (ішкі 103)

• < Артқа
• Алға >