Жазушы, өнертанушы, публицист, архитектор Лариса Мартыновамен онлайн кездесу

2020 жылы 16 шілдеде сағат 15.00-де кітапханамыздың белсенді оқырманы, жазушы, ақын өнертанушы, публицист, архитектор ШҚ өнер мұражайының қызметкері Мартынова Лариса Ивановнамен онлайн кездесу өтті.

1955 жылы 20 шілдеде Кемерово (Ресей) қаласында дүниеге келген. Өскемен құрылыс-жол институтын (қазір Д.Серікбаев атындағы мемлекеттік техникалық университеті) бітірген соң «Каздорпроект» институтында инженер-жобалаушы болып жұмыс істеді. Кейін қала мектептерінде, Қазақстан-Америка Еркін университеті колледжінде сәулет өнері, бейнелеу өнері, мәдениеттану, сурет пәндерінен сабақ берді.
Л. И. Мартынова – Шығыс Қазақстан Өнер мұражайының экспозиция-көрме секторының қызметкері, «Звено Алтая» әдеби бірлестігінің тең құрылтайшысы.
1998 жылдан бері өлең жазады, Рудный Алтай» газеті, журналах «Восток», «Простор» (Алматы), «Нива» (Астана), «Бийский вестник» (Бийск) журналдарында, қазақстан ақындарының «Жемчужная поэзия Казахстана» (Астана), «Провинция» (Петропавловск) жинақтарында, «Огни гавани» (Санкт-Петербург) жинағында жарияланды.
«Обратная перспектива» (2012), «Это стихи» (2013), «Изумрудный Алтай» (2014) кітаптары мен жыр жинақтарының авторы.
Шығармашылық конкурстардың дипломанты және лауреаты, атап айтқанда, Абай өлеңдерін аударғаны үшін «Свободной музы приношенье» (2006) конкурсында 1-орынды иеленген болатын.
Біздің қонағымыз өзін суретші деп атамайды, бірақ оның суреттері қандай әдемі!
Кездесуде Лариса Мартынова өзінің көп қырлы шығармашылығы туралы әңгімелеп, көрермендердің сұрақтарына жауап берді.
Мерейтой қарсаңында Лариса Ивановнаға зор денсаулық, шығармашылық шабыт тілейміз.

Байланысшы: Абдеева Я. Б.

• < Артқа
• Алға >