«Бәрі де мүмкін...»: Назила Слямқызымен онлайн кездесу

24 шілде күні сағ.15.00 А.С. Пушкин атындағы облыстық кітапхананың ұйымдастыруымен ақын, жазушы, мотиватор Абилханова Назила Слямқызымен тікелей эфир  Instagram желісінде @nazila_islamkyzy парақшасында өтті.

Назила Слямқызы - 1967 жылы 12 мамырда ШҚО Катон-Қарағай ауданы, Қабырға ауылында дүниеге келген. 1984 жылы Е.П. Рыков атындағы орта мектепті бітірген. 1988 жылы Қыздар Педагогика институтының кітапханатану бөлімін бітіріп, 1997 жылға дейін Алматы облысы Панфилов ауданы Үшарал орта мектебінде кітапханашы болып қызмет істеген. 1997 жылдан бері жеке кәсіпкерлікпен айналысады. 2001 жылы Қыздар Педагогика институтының филология бөлімін тәмамдады.
Назила Слямқызы жеке кәсіпкерлікпен ғана айналысып қоймай, кітап жазуды да қолға алған. «Қош бол, қиындық! Өз-өзін жеңу майданы», «Кәсіп жасаудың құпиясы», «Үй алудың жолдары» атты кітаптары жарыққа шыққан. Ал «Бәрі де мүмкін...» - автордың тұңғыш кітабы. Бұл туындысы тылсым жұмбағы мен шешілуі қиын шиеленіскен қилы тағдыр түйіндеріне толы. Сонымен қатар автордың «Ақша бұлттен сырласу», «Тырналар әні» атты әндері елімізде болып жатқан індетке арнап шығарған әндері.
Тікелей эфир барысында Назила Слямқызы алғашқы еңбек жолын кітапхана саласына арнап, кітап жазу арқылы өз басына түскен қиындықтарды жеңіп, өмір жолдары арқылы жетістікке жеткені жайлы ақпараттармен бөлісті.

Назила Слямқызымен өткен тікелей эфирдің жазылымын мына сілтеме арқылы көріңіздер: https://www.instagram.com/tv/CDBUNbNF76d/?igshid=mhsd4pbe062k.

  Байланысшы: Нургүль Темешева

• < Артқа
• Алға >