«Ақын мұрасы – аманат»: Абай Құнанбайұлының «Қара сөздері» иврит тілінде

Онлайн кездесу әдеби әрі ілеспе аудармашы Полина Брукманмен (Рамат-Ган қ., Израиль) 22 қыркүйек сағат 14.00-де Нұрсұлтан қ. жергілікті уақытымен Facebook @polina.brukman парақшасында өтеді. Қазақтың ұлы ақыны әрі ойшыл Абай Құнанбайұлының 175 жылдық мерейтойына орай израильдік «Бейт Нелли» баспа үйі алғаш рет иврит тілінде ақынның «Қара сөздерін» жарыққа шығарғаны белгілі.

Оны аударған біздің қонағымыз – танымал әрі әдеби шығармалардың тәжірибелі аудармашысы Полина Брукман. Ол Абай еңбектерін алғаш рет аударып, оның бай тілін ерекше бағалаған. «Абайдың «Қара сөздері» – адам табиғаты мен өмірінің мәні, басты құндылықтары туралы терең ой-толғаныстарға толы шығарма. Сондықтан, оны аудару да ерекше болды», - дейді Полина. Бұл жұмыс кейіпкерімізге өзіндік қазақ мәдениетінің әлемін ашуға мүмкіндік берді. 

Абайдың ең танымал шығармасын аудару қалай жүзеге асты, қандай қиындықтар болды, алдағы уақытта ақынның басқа да еңбектерін аударуға дайын ба және болашаққа жоспары қандай екенін қонағымызбен кездесу барысында танысатын боламыз.
Онлайн эфир FACEBOOK @polina.brukman парақшасында өтеді.

                                                                        Байланысшы: Жанна Сакпанова, тел. 87057612021

• < Артқа
• Алға >