«Тілді меңгергің келсе, бар жүрегіңмен қабылда»

Басқа тілде сөйлеу үшін, ең бастысы – ниет болса болғаны. Мұны Мәскеу мемлекеттік лингвистикалық университетінің түлектері, «Мәскеу қазақша» бейнеблогының авторлары әрі жүргізушілері – ресейлік Елизавета Осипова мен Анастасия Решетникова растайды. Олар 23 қыркүйек сағат 17.00-де (Нұрсұлтан қ. уақытымен) біздің тікелей эфиріміздің қонақтары болмақ.

@Москва қазақша арнасы YouTube-те екі жыл бұрын пайда болды. Аталған жобаны Елизавета Осипова мен Анастасия Решетникова университет қабырғасында қазақ тілін екінші шет тілі ретінде таңдап, оқып жүрген кезден-ақ жоспарлаған. Сол кездің өзінде олар Мұқағали Мақатаев поэзиясының сыры мен Абай философиясының тереңдігін түсінген. Қазақ халқы дәстүрінің байлығы мен алуан түрлілігіне қайран қалған. Алғашқы жылы студенттер тілді базалық деңгейде игерген. Қыздар өз тәжірибелерімен бөлісіп: «Қазақ тілін үйрену үшін ойлау стилін өзгерту керек және бар жүрегіңмен қабылдау қажет»,- дейді.
Жоғары оқу орнын аяқтағаннан кейін Елизавета мен Анастасия осы жетістіктерімен шектелмей, қазақ тілін әрі қарай оқып, оны әлеуметтік желілерде ілгерілетіп, қазақ тілінде бейнеблог ашқан. Алдымен қыздар Мәскеудің көрікті жерлері бойынша бейнеэкскурсия жариялайды. Кейін қазақ тілін үйренуге арналған материалдар орналастырып, олар жазылушылар арасында кеңінен қолданылып, тек жағымды пікірлерге ие болған.
Блогерлерде бейнесабақтарды жасау кезінде қандай қиындықтар болды, қазақ тілін жаңадан үйренушілерге қандай кеңес береді, тілді үйренуге не көмектеседі, Абайдың Отанында болу жоспарларында бар ма, жалпы болашаққа жоспарлары қандай, міне осы және басқа да сауалдарға біздің қонақтарымыз кездесу барысында жауап береді.
Онлайн эфир FACEBOOK @Елизавета Осипова парақшасында өтеді.

                                                                                     Байланысшы: Жанна Сакпанова, тел. 87057612021

• < Артқа
• Алға >