«Ойыңды өзгертіп - өміріңді өзгерт!»

29 қыркүйек күні сағат  А. С. Пушкин атындағы Шығыс Қазақстан облыстық кітапханасының ұйымдастыруымен халықаралық деңгейдегі кәсіби коуч, белгілі психолог Кәмшат Бекжігітовамен «Ойыңды өзгертіп - өміріңді өзгерт!» тақырыбында @pushkinlibrary инстаграм парақшасында онлайн сұхбат өтті.

Кәмшат Бекжігітова - қазақ әйелдеріне арнап шығарылған алғашқы психологиялық "Ойыңды өзгертіп, өзіңді өзгерт" кітабының авторы. Қазақ тіліндегі мотивациялық бес кітаптың қатарына енген аталмыш кітаптың авторы оқырманға ақыл айтпайды. Кәмшат Бекжігітова бұл кітабында негізінен өз өмірін баяндайды. Өзінің басынан кешкен қиындықтарын қалай жеңіп шыққанын, оған не түркі болғанын жеткізеді. Тығырықтан қалай жол тапқанын, ойын өзгерту арқылы табысқа жеткенін жазады. Өз өмірінің мысалдарын бере отырып, басқа адамдарды да өмірін жақсы жаққа өзгертуге шақырады.
Автордың ең ұтып тұрғаны, өз тәжірибесімен бөлісіп әрі шетелдік псиxологиялық кітаптарда жазылған дүниелерді қазақша жүйелеп беруінде.
Автор өте қарапайым тілде жазылған кітап қарапайым қазақ әйелдеріне ұғынуға, түсінуге оңай екенін айтты. "Мен әлемдік деңгейдегі психологтардың кітабын оқып, соны оқырмандарға жеткіздім. Кітабым 70 мың дана тиражбен жарық көрді,- деді коуч, психолог Кәмшат Бекжігітова.
Қазіргі халық арасындағы індетке байланысты туындаған психологиялық күйзелістің алдын алу және әртүрлі тығырықтан шығар жол таппай жүрген жандарға қолдау көрсету мақсатында ұйымдастырылып отырған онлайн сұхбат пайдалы болды деп ойлаймыз.

Байланысшы: Гульбаршын Абылгазинова
Байланыс тел.: 26-13-33 (123)

• < Артқа
• Алға >