"Кітап шығару: қазіргі шындық": онлайн кездесу

30 қыркүйек, 15.00-де "Алматыкітап баспасының" бас редакторы Марина Сергеевна Асылбековамен ZOOM платформасында А.С.Пушкин атындағы Шығыс Қазақстан облыстық кітапханасының шақыруымен "Кітап шығару: қазіргі шындық» атты тақырыпта  онлайн кездесу өтеді.

"Алматыкітап баспасы" - Қазақстандағы ең ірі баспа және кітап саудасы кәсіпорындарының бірі. Соңғы он бес жыл ішінде баспа жалпы таралымы 40 млн. данадан астам балалар кітаптарының, көркем, дамытушы, танымдық және оқу әдебиеттерінің 3000-нан астам атауын шығарды. Қазақстандық үздік авторлар мен суретшілер үш тілде: қазақ, орыс және ағылшын тілдерінде шығарылатын кітаптардың мазмұны мен рәсімделуінің жоғары сапасын қамтамасыз ету үшін басылымдармен жұмыс істейді.
"Алматыкітап баспасы" - электронды оқулықтардың web-платформасын құрудағы "пионерлер". Қызметтің бұл бағыты бүгінгі таңда карантин кезеңінде өзекті болып табылады және оқушыларға мәжбүрлі үзіліс кезінде оқу процесін үзбеуге мүмкіндік береді.
Баспа мамандары тиімді оқу процесін құру үшін мектептен тыс балаларға мүмкіндігінше білім беру мазмұнына қол жетімділікті қалай қамтамасыз етуге болатындығын айтады. Заманауи экологиялық технологияларды пайдаланатын үздік қазақстандық және шетелдік баспаханалармен ынтымақтастық туралы, Ұлыбритания, Франция, Ресей, Белоруссия, Үндістан және т.б. шетелдік баспалармен бірлескен жобалар туралы, Қазақстанның кітап шығарушылар және кітап таратушылар қауымдастығының (АИК) жұмысы туралы айтады.
Онлайн іс-шараға кітапханашыларды, мектеп мұғалімдерін, балабақша мен шағын орталықтардың тәрбиешілерін, ата-аналарды, оқырмандарды, кітап сататын фирмаларды және кітап шығарудың заманауи мәселелеріне қызығушылық танытқандарды шақырамыз. Zoom платформасында өтетін эфирдің идентификаторымен сілтемесі қосымша хабарланады.

                                                                                                                   Байланысшы: Нұргүл Темешева,тел. 87775794419

• < Артқа
• Алға >