«Ілияс Есенберлин және музей әлемі»: онлайн кездесу

5 қазан І. Есенберлиннің дүниеден озған күні,  осыған орай 5 қазан күні  Facebook, @ Улболсын Комбатурова парақшасында «Ілияс Есенберлин және музей әлемі» тақырыбында онлайн кездесу өтті.  Ілияс Есенберлин атындағы әдеби-музейдің жетекшісі Комбатурова Ұлболсын Даниярқызы тікелей эфирде  музеймен таныстырып, қызықты да құнды деректерімен бөлісті.

Халқымыздың сан ғасырлық көркем шежіресін жазған көрнекті жазушы Ілияс Есенберлин Атбасар қаласында өмірге келген. Ардақты азамат туған қаласында да ескерусіз қалмады. 1999 жылы осы шағын шаһарда Ілияс Есенберлиннің әдеби музейі ашылған. Қазіргі күнде музей қорында 3000-ға жуық жәдігер бар. Оның негізін Есенберлиннің өмірі мен шығармашылығы және оның отбасы туралы фотосуреттер, кітаптар, сондай-ақ портреттер, қолжазбалар, мерейтойлық медальдар және жеке заттары қамтиды. Музей қорында қаламгердің жанды дауысы сақталған бейнежазбасы бар. Сонымен бірге «Мұхиттан өткен қайық» романының түпнұсқа қолжазбасы, қаламгердің жеке кітапханасы, оның ішінде әріптестерінің, замандастарының қолтаңбаларымен сыйлаған кітаптары, отбасымен және әріптестерімен түскен фотосуреттері сақталған. Және қаламгердің өмірі мен шығармашылығы туралы деректі фильмдер де жинақталған. Ілияс Есенберлин мұражайы еліміздегі қала және аудандар арасында «Ең үздік музей» аталымы бойынша жеңімпаз болды. Ілияс Есенберлиннің әдеби музейі бүгінгі күні «Болашаққа бағдар: рухани жаңғыру» бағдарламасы бойынша ауқымды жұмыстар атқарып жатыр. 

Іс-шараның мақсаты Қазақ тарихының хандық дәуірінің энциклопедиясы атанып, халқымыздың тарихын болашақ ұрпаққа тасқа басқандай етіп жазып кеткен ұлы қаламгердің өмірі және шығармашылығымен кеңінен таныстыру.

Байланысшы: Кемешева Меруерт, тел.87052819343

• < Артқа
• Алға >