«С.Аманжолов атындағы Шығыс Қазақстан университеті: заманауи талаптар және жетістіктер»

А.С. Пушкин атындағы Шығыс Қазақстан облыстық кітапханасының ұйымдастыруымен С. Аманжолов атындағы ШҚ университетінің ректоры, Төлеген Мұхтар Әділбекұлы 19 қазан күні  facebook әлеуметтік желісінде @Мухтар Толеген парақшасында онлайн сұхбат өткізді.

Бүгінгі таңда сапалы білім берудің маңызы артып келеді. Қоғамның рухани, мәдени және адамгершілік әлеуеті білімнің дамуымен байланысты. Мұхтар Әділбекұлы жаңа формацияның жетекшісі ретінде, ҚР Педагогика Ғылымдары Академиясының мүшесі, "ҚР Білім беру ісінің құрметті қызметкері", "Ыбырай Алтынсарин" төс белгілерімен марапатталған Қазақстанның Жоғары Мектебінің Ұлттық Ғылым академиясының корреспондент-мүшесі ретінде қазіргі білім беру мәселелерін шешу жолында үнемі ізденісте.
Төлеген Мұхтар Әділбекұлы - 1980 жылы 16 шілдеде Оңтүстік Қазақстан облысы, Созақ ауданы, Шолаққорған ауылында педагогтар отбасында дүниеге келген. 1997 - 2001 жж. аралығында Қазақ мемлекеттік заң университетінде (Алматы қ.) білім алды. М.Төлеген әр жылдары Германия, Испания, Сингапур қатарлы елдерді білімін жетілдірген.
2017 жылғы 31 мамырда Қазақстан Республикасы Тұңғыш Президенті - Елбасы қорының «Қазақстан Республикасының Тұңғыш Президенті Н.Ә. Назарбаевтың Қазақстан Республикасында бірыңғай ақпараттық кеңістік құрудағы рөлі» атты ғылыми грант жеңімпазы атанды. Ол жаңа бастамалармен ғылыми жетістіктер жолында аянбай ізденіп келе жатқан ас ғалым, білікті басшы.
Әлеуметтік желідегі кітапхана оқырмандары тікелей эфирде Мұхтар Әділбекұлына өздерін қызықтырған сауалдарға жауап алды.

Байланысшы: Аскерхан Ақтай 8701183 00 84

• < Артқа
• Алға >