Көктемгі жаңару мейрамын қуанышпен қарсы алайық!

Достар! Күн сайын көктемнің жылуы мен жаңаруы – Наурыз мейрамын асыға күтудеміз. Бұл шығыс халықтарының әндерін, билерін, театрландырылған ойындарын, халықтық және көне жоралғыларын бойына сіңірген ең маңызды және ежелгі мереке.

Көктемгі мереке қарсаңында облыстық кітапхана өз оқырмандарымен  "Наурыз" мерекесін қарсы алды. Кітапханаға келген қонақтар ұлттық нақыштың мерекелік атмосферасын сезініп,

"Әз Наурыз – жылулық пен мейірімділік мерекесі / Наурыз: праздник, дарящий радость и тепло!" атты кітап көрмесін тамашалады.

Концерттік бағдарламалармен қатар қонақтарымыз - тоғыз құмалақтан турнирге, қолөнерден шеберлік сыныптарына қатысты. Ұлттық тағамдар бұрышында қазақтың ұлттық тағамдарымен жасалған дастарханнан, наурыз көжеден дәм тартты. "Асық", "Қол күрес", "Бес тас", "Арқан тарту" ұлттық ойындарына, "Білекті бірді жығар" күш көрсету сайысына оқырмандарымыз қызыға қатысты.  "Қыз ұзату" дәстүрінен койылым қойылып, "Сыңсу"  айтылып, мереке ән-шашумен жалғасты.

 Байланысшы:Құдайбергенова Н.К. 

Тел.:87055412525

• < Артқа
• Алға >