Ұзақ жылдар оқырман болудың құпиясы

14 сәуір сағат 11.00-де 125 жылдық мерейтойға орай, А.С. Пушкин атындағы Шығыс Қазақстан облыстық кітапханасында ұзақ жылдар бойы оқырман болып келген азаматтарға құрмет көрсетілді.Амренова Жазира Үмітханқызы, Кнорре Константин Морисович, Нұрмұханбетов Әлібек – оқырмандық өтілі 60 жылдан асатын кітапхананың аға оқырмандары. Олар кітапхана бірнеше рет түрлі ғимараттарға көшсе де, қанша рет орны ауысса да оқуды тоқтатпаған жандар.

Константин Морисовичтің оқу өтілі – 70 жыл. И.Крылов атындағы жеті жылдық ерлер мектебінің оқушысы бола жүріп, соғыстан кейінгі жылдары да ол Тоқтаров көшесіндегі кітапханаға келуді ұнататын. Мектептен кейін ауыл шаруашылық техникумына түсіп, оны қызыл дипломмен аяқтаған. Үздік оқуы үшін Омбы ауыл шаруашылығы институтына емтихансыз қабылданады. Рулиха училищесінде оқытушы болып жұмыс істеген, кейін 2004 жылға дейін Саратовка ауылындағы Шығыс Қазақстан ауылшаруашылық колледжін сабақ берген.

Жазира Үмітханқызы мен Нұрмұханбетов Әлібек 1958 жылдан, яғни Өскемен педагогикалық институтының (қазіргі Сәрсен Аманжолов атын. ШҚУ) бірінші курс студенттері бола жүріп, кітапханамыздың оқырмандары болған. Жоғары оқу орнын үздік бітіргеннен кейін ауылға мұғалім болып, ал Әлібек Нұрмұханбетұлы көп жылдар бойы облыс мектептерінің директоры болды, қоғамдық қызметпен айналысқан. Өскеменге көшкеннен кейін, олар бірінші кезекте, студенттік жылдардан-ақ өздеріне ыстық кітапханаға жазылған.

Сұхбат барысында қонақтарымыз кітапханаға келген алғашқы кездері,ұзақ жыл оқырман болу құпиясымен, сүйікті авторларымен, жанрларымен бөлісті. Осы нағыз оқырмандарға Құрметті оқырман билеттері мен ең бағалы сыйлық – кітаптар табыс етілді.

Байланыс тел.: 26-13-33 (123)

• < Артқа
• Алға >