«Ұстаз, қаламгер, ғалым»: бейне-сұхбат

1 қазан күні, сағат 15.00 де А.С. Пушкин атындағы ШҚО кітапханасының YouTube каналында «Өнегелі сұхбат» бейнежобасы аясында жазушы, журналист ҚР Журналистер одағының, Жазушылар одағының мүшесі Айтмұхамбет Қасымов бейнесұхбат өтеді.

Айтмұхамбет Қасымұлы Ұлан ауданы Аюды селосының тумасы. Айтмұхамбет ағамыз ауыл мұғалімінен Қазақстан Республикасының Құрметті журналисі дәрежесіне жетті.
Айтмұхамбет Қасымовтың негізгі еңбек жолы облыстық «Дидар» газетімен (1977-2013) байланысты. «Алтайдан ұшқан ақиық» (1999), «Арулар әлемі» (2000), «Үміт патшалығына саяхат» (2003), «Қызыл қырғынның құрбаны» (2004), «Қазақ халқының тұңғыш әскери ұшқышы Жақыпбек Малдыбаев» (2007), «Тарихи жол» (2006) сияқты деректі кітаптар мен ғылыми ізденістердің авторы. Ағылшын журналисі Дэвид Рэндаллдың «Әмбебап журналист» кітабын қазақшаға аударып, Қазақстанда болған 1916 жылғы ұлты- азаттық көтеріліске қатысушы тайынтылық жерлестері туралы «Орай шап»атты тарихи (2016) тақырыпты қаузаған. 2019 жылы «Абай әлемі» әдеби жобасы аясында «Туған жер әуендері» атты жинағы жарық көрді. 2020 жылы «Шығыс Полиграф» баспасынан соңғы жылдары жазылған мақалалары, журналистік талдаулары, естеліктері «Жол үстіндемін» деген атпен басылып шықты.
Қаламгер ағамыз сұхбатында өмірі мен шығармашылығы туралы кеңінен айтып, шығармашылық жолындағы жетістіктерімен және болашақ жоспарларымен бөлісіп, шығармашылықпен айналыссам деген жас ұрпаққа ағалық ақылын айтатын болады.
"Өнегелі сұхбат" жобасы аясындағы шығармашылық кездесулер жастардың бойында маңызды адамгершілік және рухани бағдарларды қалыптастыруға, Қазақстандық жас буынның әдебиет пен кітапқа деген ынтазарлығын оятуға бағытталған.

• < Артқа
• Алға >