«Алақай, қуанды балақай!» балалар мерекесі

1 маусым сағат 10.00-де А.С. Пушкин атындағы облыстық кітапханасы Балаларды қорғау күніне орай өзінің кішкентай оқырмандарын «Алақай, қуанды балақай!»: атты үлкен мерекелік бағдарламада күтеді. Мереке бағдарламасында «Шығыс Балдырған балабақшасы» өздерінің концерттік номерлерін қойып, сүйікті мультфильмдеріміздегі балалар әндерін орындайды. Сонымен қатар ойын – сауық және танымдық ойындар, шығармашылық шеберханалар, ғылыми тәжірибелер, «Балалар – кітап әлемінде» интерактивті кітап көрмесіне шолу жасайды.

Сондай-ақ, сізді түрлі танымдық «аялдамалар» күтетін болады.

Олар:
«Көңілді рифмдер» (қазіргі балалар ақындарымен танысу, рифма ойындары, ауызша ойындар);
«Кішкентай жұлдыздар» актерлар станциясы
«Ойталқы» зияткерлік ойындар станциясы (викторина, квест, жұмбақтар)
«Өзің жасап ал» қолөнер станциясы
«Көңіл-күйді қалай көтеруге болады?» психологиялық ойындар станциясы
«Ойнайық та, ойлайық!» қозғалмалы ойындар станциясы.
«Сиқырлы қылқалам» жас суретшілер станциясы (қағазда, планшетте сурет салу)
Әрине, сонымен қатар көптеген қызықты балалар кітаптары да болады. Кітапсыз жазды өткізу мүмкін бе? «Балалар классикасының алтын кітапханасы», түрлі тілдердегі халық ертегілерінің керемет басылымдары, балалар энциклопедиялары, барлық бүлдіршін жақсы көретін «Айгөлек», «GEOленок», «Балалар әлемі», «Балдырған», «Девчонки и мальчишки»… журналдарын оқуға болады.
Кітапханаға алғаш рет келген кез-келген қонағымыз біздің қызметтеріміздің тұрақты пайдаланушысы болып, қалаған кітабын 10 күндік мерзімге үйге алып оқи алады. Кітап таңдауы өте үлкен!
Сондай-ақ, біз мектеп оқушыларының жазғы демалыс кезінде кітапханамызда бос уақыттарын тиімді өткізіп, үздік оқырмандарға арналған жыл сайынғы «Кітап оқу көшбасшысы» мен «Отбасыммен бірге оқимын» және жас дарындарды анықтау мақсатында «Менің ертегі әлемім» конкурстарына қатыса алатынын еске саламыз.
Байланысшы: Құдайбергенова Нұргүл
Байланыс тел.: 87055412525

• < Артқа
• Алға >