15 ақпан күні Облыстық А. С. Пушкин атындағы кітапханада қалалық жастар орталығының ұйымдастыруымен «Қозы Көрпеш – Баян сұлу» күніне орай «Домбыра - PARTY» өткізілді.
«Домбыра - PARTY»-ға өз өнерлерін көрсетуге Өскемен қаласы әкімдігінің №16 және №45 орта мектептерінің оқушылары қатысты.

Домбыра – қазақ халқының ең кең тараған екі ішекті, көп пернелі музыкалық аспабы. Домбыра қазақ халқының өмірінде маңызды орын алатын, өзіндік салт-дәстүр шеңберінде жыр, толғау, термелерді сүйемелдеуге қолданылған домбыра кейін аспаптық шығарма – күй жанрының қалыптасуына ықпал еткен.

«Домбыра - PARTY»-ға қатысушылар профессор А. Ы. Райымбергеновтың авторлық «Мұрагер» бағдарламасы бойынша білім алып жатқан жастар.
Күй тартыста Адай, Балбырауын, Сарыарқа және Еркесылқым күйлері орындалды.
Кеш соңында осы күй тартысты өткізуге ат салысып, домбырашы жастарды дайындаған ұстаздар марапатталды.