4 маусым күні аудандық мәдениет үйінде мемлекеттік рәміздер күніне орай Үржар аудандық ішкі саясат , мәдениет және тілдерді дамыту бөлімдері және аудандық орталық кітапхана қызметкерлерімен бірлесе отырып танымдық іс – шара өтті.

Аудандық орталық кітапхана «Ел мақтанышы – еліміздің рәміздері» атты кітап көрмесін ұйымдастырды. Мақсаты – өскелең ұрпаққа мемлекеттің басты символдары – ел рәміздерін дәріптеп, олармен жан – жақты таныстыру еді. Көрме барысында «Нұрсұлтан Назарбаев – Тәуелсіз мемлекеттің негізін қалаушы» туындыларының таныстырылымы өтіп, мерзімді басылымдарда жарыққа шыққан мақалаларға шолу жасалды. Бұл күні ұлттық мақтанышымызды мерекелеуде әсіресе аудан жастарының белсенділігі айқын байқалды, мектеп оқушылары, мемлекеттік мекемелер қызметкерлерінен халық көп жиналды. Ал осыдан соң аудандық мәдениет үйінің өнерпаздарының ұйымдастыруымен мерекелік концерттік бағдарлама көпшілік назарына ұсынылды. Бұл күні тек патриоттық тақырыптағы әндер шырқалды.