Лагерь демалушылары кітапханада қонақта.

Бүгінде балалардың оқудан кейінгі демалысын ойдағыдай өткізуіне бүкіл республика бойынша тамаша бастамалар жасалуда.24-ші  маусымда  Науалы ауылдық кітапханасының онлайн орталығы Төлеубеков атындағы «Айгөлек» жазғы демалыс лагерінде еңбек етіп жүрген мектеп кітапханашысы Дүйсекенова С, ұстаздар А. Айтқанқызы, Айгүл Ниязбекқызы, Зәуре Мансұрқызының ұйымдастыруымен мәдени шара өткізді.

Шарада кітап арқылы әр алуан тақырыпта сайыстар жасап, кішкентай оқырмандардың сұраныстарын орындап, қызықты ертегілерге шолу жасалды. Шараның мақсаты жас өркеннің кітап оқуға деген қызығушылығын арттыру, балаларға білімнің кітап арқылы берілетінін ұғындырып, ғылым мен білімнің пайдасын кеңірек түсіндіру. Сонымен қатар биыл Тәуелсіздігіміздің 25 жылдығына орай, викториналық сұрақтар беріліп, жауаптар алынды. Тұрақты оқырмандарымыз Нұрланов М, Нұрғалиев Е, Мүлкебаева С аса белсенділік танытты. Балалар әсіресе «Абай мұрасы – халық қазынасы» деген кітап көрмесіне қызығушылық танытып, көрмедегі барлық кітаптарымен танысты. Әдеби шарада жаңа технология бағытымен интернет ресурстары пайдаланылды, онда тәуелсіздігіміз жайлы, еліміз турасында мәліметтер алынды. Сонымен қатар оқушылар өз бойларына көптеген қажеттіліктерді сіңіріп қайтты. Өткізілген мұндай шаралар алдағы уақытта да жалғасын таба бермек.

• < Артқа
• Алға >