21 маусымда Бесқарағай аудандық кітапханада Үлкен –Владимировка орта мектебінің жазғы демалыс лагерінің балалары үшін «Кітапхана – балаларды жалықтырмайтын, барлығына қызықты, ғажайып орын» атты кітапханаға саяхат ұйымдастырылды.

Кітапхана залымен таныса отырып біздің кішкентай қонақтарымыз кітап сөрелеріндегі тұрған түрлі-түсті көптеген кітаптарды көріп таң-тамаша болды. Саяхатымыз ойын бағдарламасымен басталды: балалар жұмбақ шешті.Интернет желісінен  "Қарлығаштың құйрығы неге айыр" ертегісін және "Қойшы бай" мультфилімін тамашалады. Кітапхананың кішкентай жүргізушісі Болат Ақжан бұдан басқа балаларды заманауи құралы электронды қазақ үйімен таныстырды. Балалар 150 ертегісі, 167 балалар әні, әртүрлі аспаптарда ойналатын күйлері, дәстүрлі әндері, терме-толғаулары, Абайдың  қара сөздері бар, мәнерлеп ертегі айтып тұрған киіз үйді көргенде таң-тамаша болды. Балалар белсенді қатысып,  разы болып, тағы да кітапханаға келетін ынталарын білдірді.