Қараша айының 30-ында Үржар аудандық орталық кітапханасының онлайн орталығында  Қазақстан Республикасының тәуелсіздігіне 25 жылдығына орай «25 жұлдызды күн» аясында  "Бір шаңырақ астында"атты тақырыпта дөңгелек үстел өтті.

Мақсаты: көп ұлтты  Қазақстан халқының татулықпен, бірлікпен өмір сүріп жатқаны жайлы танымдық ойларын дамытып - Тәуелсіздікке тірек болған ел бірлігінің ең басты тұтқасы екенін жете түсіндіру. Дөңгелек столға  өзге ұлт өкілдері,мектеп оқушылары және кітапхана қызметкерлері қатысты.  Іс-шараның басында кітапхана директоры   С.Ибраева: «Тәуелсіздік таңы атқаннан бастап тең құқықтықтан, достықтан және келісімнен құралған Қазақстан  барлық елдің бірлігін, өз дамуының негізі ретінде белгіледі. Елбасымыз айтқандай, Біздің ортақ Отанымыз – Қазақстанның  қазіргідей ғарыштап дамып отырғаны –елімізді мекендеуші барлық этностардың ынтымағы мен бірлігінің арқасы. Тәуелсіздігімізді тұғырлы ететін де, елімізді жаңа белестерге шығаратын да біздің осы қоғамдық татулығымыз», -деп  атап өтті. 

  «Ата-бабаларымыз тарих көшінің белгілі бір кезеңінде тағдыр тауқыметін арқалап, солақай саясаттың құрбанына айналып,қазақ жеріне келіп қоныстанды. Сол кездерден  қазақ халқымен бірге туысып кеткендері туралы украин ұлт өкілі Л.Шевцова, татар ұлт өкілі Г. Абылханова, дүнген ұлт өкілі Г. Кожагуловалар  жүрек жарды  әңгімелерін ортаға салды. Іс-шара барысында  қазақ ,орыс, татар, украин тілдерінде әндер айтылды. Барлығына интерактивті тақта арқылы тақырыпты слайдтар көрсетілді. Соңында кітапханашы Р.Базарбаева  «Бірлігі жарасқан ел» атты кітап көрмесіне библиографиялық шолу жасады.