Тәуелсіздік  күніне   орай  Зайсан    аудандық  онлайн  орталығында  8 - желтоқсан  күні  «Сеңді бұзған - 86»   атты онлайн   кездесу  кеші  өтті.

Кешті  кітапхана  қызметкері    Ж.Салықбаева   жүргізд.  Осы  шараға    1986  жылы  желтоқсан  көтерілісіне  қатысқан  Ю.Гагарин   атындағы  орта   мектебі   директорының   тәрбие  ісі   жөніндегі   орынбасары - Аманбаева  Гүлжанат  Еденқызы мен  ақын, халық  емшісі  Әміржанова  Бибигүл  Бақтиярқызы   келді. Кездесуге  Ломоносов   атындағы  орта  мектептің  мұғалімдері Мағапьянова  Камшат, Жомарт Аружандардың  жетекшіліктерімен  8 а,б  сынып  оқушылары және Жарма ауданы,Шар қалалық кітапхана онлайн  орталығының   қызметкерлері  қатысты . Кеш  қонақтары  оқушыларға   өздерінің  желтоқсан  көтерілісіндегі  көрген  қиыншылықтарын,  көздерімен  көрген   жан  түршігерлік  оқиғаларын     әңгімелеп  берді.  Бибигүл  Бақтиярқызы  өз  сөзін  «Сырласым»   атты  кітапта  жарияланған     «Желтоқсанның 16-сы», «Алтайдың аржағында қалғаның-ай»  өлеңіне  тоқталып  өтті. Ал  екінші  қонағымыз  Гүлжант  Еденқызы  да     өзінің  жүрегінен  шыққан «Мереке» өлеңін   оқушыларға өсиет  ретінде арнап,    Отанды  сүюге, өз елінің патриоты болып ,ата-ананың  үмітін  ақтауға  , тәуелсіз  еліміздің  тұтқасын ұстар білімді  азаматтары  болуға деген жүрекжарды  тілегін  білдірді. Кездесуге  келген  оқушы  Бекзат  Дәулетбекқызы :Қайрат  ағам    тайсалмай, Ерлікпенен  кереметті  көрсеткен. Сол  ерліктің   арқасында     Елімізге  тәуелсіздік  орнаған Мұндай  ағам  болғанына   мақтанам  Ескерткішін  көрген  сайын  қуанам. -   «Қайрат ағам»  атты  өз   өлеңін  оқып,  қонақтарды  бір  серпілтіп  тастады. Аягөз  онлайн орталығындағы  желтоқсан  оқиғасының  куәгерлері Хамзин  Қанат Орынбекович және Марина  Амангелдіқызымен  кездесу болды. Кітапханада  «Желтоқсан шежіресі-  елімнің  мәртебесі»  тақырыбында   кітап  көрмесін  ұйымдастырылды.Желтоқсан  оқиғасына  байланысты Интернет желісінен слайдттар, бейнефильмдер : «Желтоқсан көтерілісі.Декабрь-Желтоксан 1986», «Желтоқсан құрбандары», «Желтоқсан  - Тәуелсіздік  бастауы» виртуалды кітап көрмесі  кездесуге  қатысушылардың  назарында  ұсынылды.