Тәуелсіздігіміздің  25  жылдығына  орай  13  желтоқсанда  Зайсан аудандық  кітапханасының  ұйымдастыруымен    М.Дәуленов  атындағы  мектеп-интернатының  5-ші   сынып  жетекшісі   Г.Ақболованың    оқушыларымен  «Гүлдене бер, Қазақстаным!»  атты   сурет  байқауы  өтті.

Осы  шараға  байланысты   «Қазақстандық   қылқалам  шеберлері»   атты  кітап көрмесі  ұйымдастырылған. Кітапхана маманы көрмеге   қойылған   қазақтың  тұңғыш  кәсіби  суретшісі  Әбілхан  Қастеев,қазақ  қыздарының  ішінен  тұңғыш  суретші  мамандығын  алған    Айша  Ғалымбаева  туралы әңгімелеп берді.Кітапханамызға  жаңадан  келген «Қылқалам шеберлері» сериясымен  шыққан   бірнеше   кітаптармен  таныстырды.    Көрмеден  кейін    оқушыларлардың  салған  суреттеріне  кезек  беріліп, өздерінің  Тәуелсіз  Қазақстанды  қалай  бейнелегендері  жайында оқушылар  салған   суреттерін  түсіндіріп,  баяндап  берді.  Шараның  атына  байланысты  «Ой жарыстыру»  викториналық  сұрақтары  болды.Рәміздер,желтоқсан  қаһармандары,теңгеміздің  авторы, бәйтерек  монументі     т.б.    сұрақтар  қойылды. Бұл  сұрақтарға  оқушылар  таласа  жауап  берді.  Байқаудың  соңында  салған  суреттеріне  байланысты  2  оқушы жүлделі  1-ші орын Мұхтарқызы  Диана,  2-ші Ерболқызы  Ақжүніс, 3-ші орын  Райхан  Айдарбековалар марапатталды.  Барлық қатысушыларға   естелікке  сыйлықтар  үлестірілді.