Ғажайып алаң өткізілді

2015 жылғы  мамырдың 15 күні Тілдерді оқыту орталығы мен аудандық кітапхана қызметкерлері ардагерлер үйінің мүшелерімен және «Асыл әжелер» тобымен «Ғажайып алаң» ойынын өткізді. Ғажайып алаңға 9 ойыншы және көрермендер қатысты. Ойын 3 турдан құралып, әр турға 3 ойыншы жеребе арқылы бөлінді. Ойыншылардың мақсаты: жасырылған сұрақтың жауабын (әріптеп немесе бірден сөзді) тауып, финалға жету болды.

Ғажайып алаңда қойылған сұрақтар «ҚР Ассамблеясының 20 жылдығына», «ҰОС Жеңісінің 70  жылдығына», «ҚР Конституциясының 20 жылдығы» мен «Ұлы Абайдың 170 жылдығына», «Қазақ хандығының 550 жылдығына» арналды.

І турдың ойыншылары «Асыл әжелер» тобының мүшесі К.Нурсейітова, Р.Баймулдинова және Ардагерлер үйінің мүшесі А.Капанов болды. І турдың сұрағына Күләш апамыз мүдірмей жауап беріп, жеңімпаз атанды. ІІ турда «Асыл әжелер» тобынан С.Бектасова мен Б.Жумангулова, Ардагерлер үйінің мүшесі Б.Шортомбаев ойынды жалғастырып, Б.Шортомбаев  жеңімпаз атанды. Сондай-ақ 3 әріпті тапқан ойыншыға ақшалай сыйлық берілді. Ал Т.Борангулов, Т.Жұмаханов, Т.Егімбаев ІІІ турдың ойыншылары атанып, Т.Борангулов жеңіске жетті. Ойынға қатысқан әрбір ойыншыға сыйлықтар берілді.

Ойынның шарты бойынша финалдан ақтық ойынға Б.Шортомбаев шығып,  «Ғажайып алаң» ойынының жеңімпазы атанды. Жеңімпазға мақтау қағазы мен бағалы сыйлық табыс етілді.http://beskaragay.vko.gov.kz/kz/news.htm?id=003758

• < Артқа
• Алға >