БҰҰ Даму бағдарламасы кітапханада

14 сәуірде А.С.Пушкин атындағы Шығыс Қазақстан облыстық кітапханасында кітапхана онлайн-орталықтары және облыстың әлеуметтік қызметкерлеріне арналған семинар-тренинг өткізілді. Бұл – Біріккен Ұлттар Ұйымының Даму бағдарламасының 2011 жылдан бері іс-әрекеттегі  «Өңірдің аймақтық жоспарлауға инновациялық қарым-қатынастар енгізу арқылы бәсекеге қабілеттілігін көтеру және халыққа әлеуметтік қызмет көрсету» программасы аясындағы қорытынды іс-шара.

Семинар-тренингке БҰҰ менеджері Қалиев Р., Астана қ. «Ұлттық ақпараттық технологиялар АО ілгері жылжыту және маркетинг департаменті менеджері Наубеджанова Л., С.Аманжолов атындағы ШҚМУ психология кафедрасының профессоры Коккозева К.Ш. қатысты. Программада «Электронды сауаттылықты көтеру және электронды үкімет веб-порталын пайдалану», «Халықтың ерекше категорияларымен әлеуметтік жұмыс ерекшеліктері» тренингтері, библио- және арт-терапиядан шеберлік-кластарын өткізу қаралған. «Біз әртүрліміз, бірақ, біргеміз» атты  мүмкіндігі шектеулі жандар фестивалі ерекше адамдарды қоғам өміріне бейімдеу нәтижелерін көрсетудің бір ерекше үлгісі. Фестиваль сағ. 11.30 дан 12.30 дейін болды, оның программасында – концерт және ерекше мұқтаж адамдардың қолөнер шығармашылығының көрмесі ұйымдастырылды. Семинар Позитивті кітапхана» дөңгелек үстелімен қорытындыланды, онда қатысушылар ерекше мұқтаж адамдарды қоғам өміріне бейімдеу жөнінде бірлескен жұмыс стратегиясын әзірледі.Айта кеткен жөн, А.С.Пушкин атындағы кітапханамен ынтымақты қызмет екі жақ үшін де табысты болды. Осы жылдары БҰҰ Даму бағдарламасымен серіктестік арқылы кітапхана үш инновациялық жобаны іске асырды. «Ауыл онлайн орталықтары» жобасы арқылы 32 ауыл кітапханасы интернетке қосылды, ал олардың қызметкерлері жаңа жағдайда жұмыс істеу үшін жаңа білім алды. Бүгінгі күні ауыл онлайн орталықтары бизнес–кеңесшілер және  кәсіпкерлер палатасы кәсіпкерлерімен бірлесіп қызмет атқарады, ауыл халқының цифрлық сауатын ашуға, мемлекеттік ондайн қызметтерді пайдалануына қолдау береді. «Кедергісіз кітапхана» жобасы аясында кітапхананың санитарлық-гигиеналық бөлмелері бейімделді, пандустар қойылды. Бүгінгі күні тренажер залын ашуға әзірліктер жүргізілуде. Бұл жобалар кітапхана жұмысына жаңа бағыт-бағадар берді және ең бастысы – жергілікті қоғамдастықты дамытуға маңызды үлес қосуда. 

Серіктестік нәтижелері

• < Артқа
• Алға >