«Кітап патшалығына саяхат»

7- сәуір  күні  халықаралық  балалар  кітабы  күніне  орай    М.Дәуленов  атындағы  мектеп-интернаттың   жатаханада   тұрып  оқитын    оқушылары   арасында   Зайсан    аудандық  кітапхана  қызметкерлерімен   «Кітап  патшалығына  саяхат»  атты    ертеңгілік    өткізілді.  Шараны   кітапханашы   Ш.Далабаева    ашты. Ол  өз  сөзінде  кітаптың  біздің  өмірімізде  алатын  орнын, бізді  мейірімділікке ,  адалдыққа, ізгілікке  тәрбиелейтін  бірден-бір  құрал  болып  табылатынын,  бүгінгі  шараның  да  жас  жеткіншектерге  берері  мол екенін  тілге  тиек  етті.

Оқушылар  тек  қана  кітаптың  тарихымен  баспалар  жайында  ғана  емес,  қазіргідей  техниканың  қарыштап  дамыған  кезіндегі  кітаптың  түрлері  сондай-ақ  әлемдегі  ең  үлкен,ең  кішкентай  кітаптар  жайлы  мәліметтер  алды.Кітапханашы  Қ.Айтмуханбетова  ертегі  кітаптармен  таныстырып «Сен  білесің бе?», «Абай»   үш  тілде т.б  сияқты  бейне  кітаптармен,  интерактивті  сөйлейтін  плакаттарды, инновациялық  сөйлейтін  қалам, электронды қазақ  киіз үйі   оқырмандарға  таныстырды.Жатахана  оқушылары  келесі  викториналық  сұрақтарға  жауап  беріп,  сөзжұмбақ  шешті.Өткен  шара  оқушыларға мерекелік  көңіл-күймен,  кітаптың  адам  өміріндегі  маңызы  жайында  ой  түйді.Кеш  соңында тәрбиешілері  Н.Құнапиянова, оқушы  Ұ. Бақытбекқызы       кітаптар  жайлы   қызықты  мағұлматтар  алғанына  кітапхана  қызметкерлеріне  рахметін  айтты.

• < Артқа
• Алға >