25 қыркүйек күні Аягөз қаласына Қазақ хандығының 550 жылдығына арналған «Ұлы Дала Елі» атты республикалық тарихи-мәдени экспедициясы келді. Экспедицияның мақсаты: Қазақстан халқының тарихи-мәдени және рухани мұрасын оқып үйрену мен  насихаттау негізінде ұлттар бірлігін және азаматтық бірегейлікті нығайту және сақтау. Бұл Қазақ хандығының  550 жылдығы арналған экспедиция болғандықтан, барлық Аягөздіктер үшін шын мәнінде маңызды оқиға болды. Экспедиция мүшелері өңір халқымен «100 нақты қадам», Ұлт жоспарының «Біртектілік және бірлік» бағыты бойынша «Мәңгілік ел мұраты - ел бірлігі» тақырыбында Аягөз ауданының тұрғындарымен кездесуден басталды. «Теңдессіз сый» акция бойынша аудандық орталық кітапханаға кітаптар сыйға тартты.Аудандық «Қозы-Корпеш-Баян сұлу» мәдениет үйінің фоесінде Аягөз аудандық орталықтандырылған кітапхана қызметкерлері осы жылдың атаулы ірі іс-шараларына байланысты ашық көрме  ұйымдастырды. Атап айтқанда «Қазақстан халқы Ассамблеясына 20 жыл» (http://assembly.kz ), «Ұлы Жеңіске 70 жыл», «Конституцияға 20 жыл», «Ұлы Абайға 170 жыл» «Біздің Абай» электронды каталогы , «Қазақ хандығының құрылуына 550 жыл», «І.Есенберлинге 100 жыл» (виртуалды көрме), «Менің елім – Мәңгілік ел» «Туған жер төрінде», «Е.Бекмахановке 100 жыл» атты  кітап көрмелері және аталған тақырыптарға байланысты Интернет ресурстар көрсетілді.Қалалық өнер мектебі мен  №1 орта мектеп  оқушылары мен кітапхана оқырмандарының қолөнер бұйымдары қойылып, экспедициясы мүшелерін жағымды таңқалдырды.