Пікір талас

4- қарашада Күршім аудандық онлайн  орталығында «Зиянды әдеттерден сақтан» атты екі тілде пікір- талас өтті. Дүниеге келген әрбір адамның бірінші байлығы денсаулығы. Бүкіл адамзат қоғамы адамдардың дені сау және өмірі барынша ұзақ болуына тырысады.

Соңғы екі - үш онжылдықта адамдардың ішімдік ішу, темекі шегу, есірткі және уытты заттарды пайдалануы  қауыпты мөлшерге дейін өсіп отыр. Адам осы  зиянды заттарды жүйелі түрде қолданатын болса, адамның оларға әуестенудің нәтижесінде өмірлік маңызды мүшелердің  қызметі бұзылады, түрлі аурулар пайда болады. Бұл зиянды әдеттер адам организмі үшін аса қауыпты. Елбасымыз Н.Ә. Назарбаевтың Қазақстан халқына жолдауында көрсетілген  өзекті мәселелердің бірі – салауатты өмір сүру, оны насихаттау мәселесі. Осы пікір- таласқа Күршім №1 орта мектебінің 7-8 қазақ, орыс сынып оқушылары, сынып жетекшілері А.Темырғалиева, ішкі саясат бөлімінің бас маманы Г.Кәкенқызы, аудандық ішкі істер бөлімінің кәмелетке толмағандар ісі жөніндегі учаскелік полицейі Р.Керейбаев қатысты.

Онлайн орталығы мамандары Г.Жаменкенова, Г.Сабырбаева қоғамымыздағы зиянды әдеттер темекі шегу, маскүнемдік, нашақорлық туралы айтып кетті. Оқушылар салауатты өмір сүру дегеніміз не, зиянды әдеттер, олардың түрлері, адамның денсаулығына әсері туралы талқылады. Аталмыш тақырыпқа байланысты слайд пен  бейнеролик көрсетілді.Р.Керейбаев біздің ауданымызда осы зиянды әдеттермен қандай жұмыстар атқарылып жатқанын айта отырып, көптеген мысалдар келтірді. Оқушылардың қойған сұрақтарына толығымен жауап берді. Пікір- талас қызу және тартымды өтті.

• < Артқа
• Алға >