21-ші мамыр күні Ұлан аудандық орталықтандырылған кітапхана қызметкерлерінің ұйымдастыруымен жерлесіміз,  ардагер ұстаз, өз елінің патриот ақыны - Тұрар Қуанышбайқызының «Тайынтыкөл толқындары» атты кітабінің тұсаукесері өтті.

Шараға құрметті қонақтар: журналист-жазушы  Қасымов Айтмұхамбет, «Ұлан таңы» газетінің бас редакторы Қазақстан Журналистер Одағының мүшесі - Жанғозин Жансап Шыңғысұлы, «Қазақстан Астана» каналының  тележурналисі - Көшербаев  Берік Тойболдыұлы, балалар әдебиетінің жазушысы - Сембаева Күлмай, облыстық «Дидар» газетінің тілшісі - Имангалиева Мейрамтай Екпінбайқызы, аудан тұрғындары, Райымжан Мәрсеков атындағы орта мектебінің 8-ші сынып оқушылары мен қазақ тілі мен әдебиеті пәнінің мұғалімдері қатысты. Шара Аудандық орталық кітапханасының онлайн-орталығының қолдауымен өтті.  Кітаптың тұсаукесеріне қатысушылар өз пікірлерін білдіріп ортаға салды. Кітап жиналған қауымның көңілінен шықты. Жасөспірімдерге туған жердің тарихын, мәдениетін ұлық тұтып, өткенін сыйлап, бүгінін сезіне, ертеңін қорғай білер азамат болып қалыптасуы үшін осындай шаралардың маңызы зор.