Басын қар басқан тау шыңдары. Үнсіз арбайтын сұлулық.Қол жетпейтін айбындық. Бірақ-жоқ! Сондай алдырмайтын тау шыңы емес екен.Әне,Үш ағайындылар тауының басына таяп қалған шаңғышылар тізбегі көрінді.Үнсіз арбайтын сұлулық та емес.Қаңғыбас жел өзін қожайын сезінеді және бар даусымен шулайды. Сол әні осында, екі мың метр биіктікте, ерекше толқып шырқалады.

Осының барлығы 5-ші ақпанда Орталық қалалық кітапханасында өткен «Жігітті тауға жетеле,тәуекел ет...» деп аталатын шараға қатысушыларға көрсетейін деп шешкен Юрий Петрович Болденковтың фильмінен үзінді болатын.

Бұл кездесу – Риддердің 230-жылдығына арналған кезекті шара.

Юрий Болденков- Риддерге әйгілі ақын,музыкант,видеооператор,қаламыздың беделді туристерінің бірі, біздің атақты шыңдарымызды бағындыруға келген туристердің жетекшісі ал содан соң ол бізге сол шыңдар мен өлкенің қайталанбас сұлулығын өлеңдер, әндер,фильмдер арқылы әңгімелейді.Кездесуге ардагерлер,Риддер көпсалалы колледжі, №5 мектеп оқушылары қатысты. Кейбіреулеріне пікір жетіспей ара-тұра «Бұл қайда?», «Бұл тау қалай аталады?», «Бұл қандай өзен?» деген сұрақтар естіліп қалады.Сұрақтарға кездесу қонағы ғана емес өлкеміздің басқа да білімпаздары да жауап берді.Бұлар Иван Васильевич Егоров айтуы бойынша Үш ағайындылар шыңына 160 рет көтерілген, ол Юрий Петрович Коробко және Климент Семенович Первушин.Оларға әрбір соқпақ,бұрылыс,бұлақ және тіпті қала маңындағы  әрбір бұта таныс.  Нағыз білгірлер мен табиғатты сүйетіндер.Кездесуде осындай адамдардан қуат аласың, өзіңді қоршаған ортаға ерекше көзбен қарайсың және сұлулыққа тамсанасың.

9 ақпан Юрий Болденков туған күнін атап өтеді. Кітапхана қызметкерлері оны туған күнімен құттықтап шығармашылық жолында биік шыңдарды бағындыруына тілектес екендерін білдіреді.