Абай аудандық М. Әуезов  атындағы   орталық  кітапханада  ақпан айының 12-ші жұлдызы күні  Тәуелсіздіктің 25 жылдығына орай «Елбасы - Кемеңгер  көшбасшы» тақырыбында дөңгелек үстел ұйымдастырылып, өткізілді.

Аталмыш шараға аудандық гимназия мектебінің ұстаздары, 7«а» сыныбының оқушылары, кітапхана пайдаланушылары қатысты. Аудандық ішкі саясат бөлімінен Жүнісова Әйгерім, мәдениет бөлімінен Елдар Кәменұлы, аудандық мұражай меңерушісі Малғаждар Жүнісжанов, аудандық жастар орталығының меңгерушісі М.Смағұлов және «Абай елі» газетінің тілшісі қатысты. Шара барысында оқушылардың Елбасына арналған әдеби монтажы оқылып, «Елбасы туралы не білеміз?» атты викторина ұйымдастырылды.  «Тарих парақтары» деген кітап көрмесі жасақталып, онда  тәуелсіз Қазақстанның тарихынан сыр шертетін кітаптар, зерттеулер, егемендік алған жылдардан бергі еліміздің жеткен жетістіктері туралы аналитикалық құжаттар ұсынылды. «Ой бөлістім халқыммен...»виртуалды кітап көрмесіне саяхат жасалды.

Шара соңында «Қаламқас»  ән-би ансабілінің  әншілері  Қайрат  Қабышов  пен  Қонысбек  Байдашовтың  орындауында  патриоттық  әндер  орындалды.