13-ші ақпанда Риддер қаласының №3 кітапхана-бөлімшесінде  татардың ұлы ақыны –Мұса Жәлелдің туғанына 110-жыл толуына орай естелік сабағы өтті.

Бұл шараға мектеп-гимназияның 6 «А» сынып оқушылары қатысты.Олар М.Жәлелдің нағыз аты- Залилов (Жәлел) Мұса Мұстафович екенін, кедей отбасында дүниеге келгенін және балалық, жастық шақтары көлеңкесіз болмағанын білді.Ақынның өмірі қысқа және Берлиндегі Плётцензее түрмесінде  қайғылы жағдайда үзілген.Бірақ халық арасында ақын туралы естеліктер әлі тірі.Шара барысында балалар кітапханашы Рыльская Ю.В.,ұстаз Рулёва Т.И.оқыған М. Жәлелдің өлеңдерін тыңдады.Оларға «Варварство» өлеңі қатты әсер қалдырды.

Оқу залында М.Жәлелдің өмірі мен шығармашылығына арналған кітап көрмесі ұйымдастырылды.Көрмеден оқушылар ақынның майданға бара жатып қызы Чулпанға жіберген суреттерін,жазаға тартылғандарды қамаған камераның кескінін және т.б. көре алды.Кітапханадан шығып бара жатқан оқушылардың жүзіне қарап М.Жәлелдің өмірі мен  әсіресе шығармашылығы көп әсер бергенін байқауға болады.