Жарқын бейне

15 наурызда Ұлан аудандық орталық кітапханада ғалым, абайтануды ғылыми негіздеуші, шәкәрімтанудың негізін қалаушы,  текстолог, Семейде Абай мұражайын ұйымдастырушы, ұстаз, ақын, жазушы, драматург, әдеби аудармашы, қоғам қайраткері, ҚазССР-нің тұңғыш Гимнінің авторы, ҚР Мемлекеттік сыйлығының иегері Қайым  Мұхамедхановтың 100 жылдығына арналған тақырыптық сағат өтті.

Шара барысында Қ.Мұхамедхановтың балалық шағы, өскен ортасы, тәлім-тәрбие алған бастаулары, қоғамдық қызметін, абайтану ғылымының қалыптасуына, дамуына қосқан үлесі сипатталды. Тұлғаға қатысты «Жарқын бейне» атты бейнефильм көрсетілді және облыстық Пушкин атындағы кітапхана сайтындағы Қ. Мұхамедхановтың туғанына 100 жыл толуына орай жасалған «Қ. Мұхамедханов: библиографиялық көрсеткіш» қатысушылар назарына ұсынылды. Сонымен қатар шараға қатысушыларға Семей қаласындағы Шығыс Қазақстан облыстық Абай атындағы әмбебап кітапханасы сайтындағы арнаулы «Ғалым. Қайраткер. Тұлға. Қайым Мұхамедхановтың туғанына 100 жыл» бөлімінен ескерткіш орындар, бейне естеліктер көрсетілді.

• < Артқа
• Алға >