28 сәуірде «Парасат жолы» жобасы аясында кітапхананың ұйымдастыруымен журналист, қаламгер, «Ақиқат» ұлттық қоғамдық-саяси журналының бас редакторы Дәуіржан Жұмажанұлы Төлебаевпен онлайн (инстаграмм  akikat1921) кездесу өтті.

"Ақиқат" журналы – ұлттық қоғамдық-саяси журнал. 1922 жылы шыққан "Қызыл Қазақстан" газетінің ізбасары. Журнал қазақ жұмысшыларына Кеңес үкіметі мен коммунистік партия саясатын түсіндіруді мақсат тұтты. Әр жылдары журналға А.Асылбеков, Н.Нұрмақов, С.Сәдуақасов, О.Жандосов сияқты қазақ зиялылары жетекшілік етті. Заман талабына сай өзгеретін әлеуметтік-саяси жағдайларға бейімделіп, жаңа міндеттерді жүзеге асыруда өз үлесін қосты. Басылым беттерінде қоғам дамуының теориялық үрдістерімен қатар, жалпы адамзаттық құндылықтар, әдебиеттану мәселелері, соның ішінде Әуезовтің өмірі мен шығармашылығы туралы материалдар да жарияланды. Журнал қазақ қоғамының, қазақ жерінің шын мәніндегі айнасы бола білді.

1991  еліміз тәуелсіздік алғаннан кейін, көпжылдық тарихы бар басылым өзінің болашағын айқындап «Ақиқат» деген жаңаша мазмұнмен шыға бастады. Қазақ елінің ақпараттық кеңістігінде өзіндік брэндке айналған «Ақиқат» журналының еткен еңбегі еленбей қалған жоқ. Басылымның жемісті еңбегі жоғары бағаланып тиісті сыйлықтарымен марапатталып отырды.   

Тікелей эфирмен келесі сілтеме арқылы өтіп, толығырақ танысуға болады https://www.youtube.com/watch?v=tr8-IOpcOo0