Кітапхана «Ән әлемінің жарық жұлдызы» Әміре Қашаубаевтың 130 жылдығын атап өтті.

5 сәуір күні, кітапханада "Рухани жаңғыру" бағдарламасы аясында қазақ халқының дүлдүл әншісі Әміре Қашаубаевтың 130 жылдық мерейтойына арналған «Ән әлемінің жарық жұлдызы» атты әдеби-музыкалық кеш өтті. Кешті қаламыздағы "Жұлдыз"өнер мектебінің маманы Қуаныш Еркін жүргізді. Іс-шараға өнер сүйер қауым, студенттер мен мәдениет қызметкерлері, жерлес ақын-жазушылар, мұғалімдер келді.

Астанадағы Шығыс Қазақстан облысы күндері

Астанада өткен ШҚО күндеріне біздің кітапхана белсенді қатысты. Қонақтар алдында Шығыс Қазақстанның тәуелсіздік  жылдары жеткен жетістіктерін қамтитын ауқымды кітап көрмесінің тұсаукесері өтті. Тұсаукесерде Облыс әкімінің орынбасары Жақсылық Омар Мұқашұлы, Ұлттық академиялық кітапхананың директоры Үмітхан Мұңалбаева,  осы кітапхананың директорының орынбасары Ғалия Бөкей,  ақын-жазушылар Несіпбек Айтұлы, Тұрсын Жұртбай, Роза Мұқановалар сөз алып, өз лебіздерін білдірді.

«Тәуелсіздік белестері: Шығыс Қазақстан»

Астанадағы ШҚО күндері аясында 8 қазан күні сағ.15.00-де  Ұлттық академиялық кітапханада «Тәуелсіздік белестері: Шығыс Қазақстан» атты көрменің презентациясы өтеді. Көрме облыстың түрлі саладағы жетістіктерін әдебиеттер, фотосуреттер мен түрлі ақпараттық материалдар арқылы баяндайды. 

Тәуелсіздікке 25 жыл

6 қазанда А.С. Пушкин кітапханасының қызметкерлері Өскемен қалалық әділет басқармасы АММ-не «Еркін елдің кемел тұлғалары» атты кітап көрмесімен барып қайтты. Басқарма қызметкерлері тәуелсіз Қазақстанның тарихымен, оны әлемге танытқан танымал тұлғалар өмірімен танысты.

Жастар Ольга Рыпаковамен кездесті

5 қазанда кітапхананың мәжіліс залында жастар олимпиада чемпионы Ольга Рыпаковамен кездесті. Кездесуді ұйымдастырушылар – Өскемен қаласы әкімдігінің дене шынықтыру және спорт бөлімі, жастар орталығы және кітапхананың жастар-интеллект-орталығы. Жастар кітапхананың кіреберісінен чемпионды құттықтауларымен қарсы алды.

Кітапхана директорының орынбасары Абенова Бахтина қонақты кітапханамен таныстырып өтті. Әр бөлімде Ольганы жастар мен балалар қарсы алды. Барлығы оны асыға күтіп, ерекше бір нәрсені күткендей. Ал, ол барлығын жылы шырайымен мейірімімен қайран қалдырды.